Наманганда 4-синф ўқувчиси Cobalt уриб юбориши оқибатида вафот этди

Учқўрғон туманининг 23-мактаб 10-синф ўқувчиси 31 март куни отасига тегишли бўлган Cobalt’ни уйдан ҳайдаб чиққан.

Фото: ИИБ ЙҲХБ

Вилоят ИИБ ЙҲХБ хабарига кўра, у машинани ҳайдаб кетаётган вақтда йўлни кесиб ўтаётган 4-синф ўқувчисини уриб юборган. Ҳодиса оқибатида бола шифохонада вафот этган.

Ўқувчининг ўзи уйда ҳеч ким йўқлигидан фойдаланиб, машинани “қиздираман” деб кўчага ҳайдаб чиққанини айтган.

Ҳолат юзасидан Жиноят кодексининг 266 моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлса) билан жиноят иши қўзғатилди. Тергов ҳаракатлари олиб борилмоқда.

#Наманган #ўқувчи