Kawasaki ўзининг робот отини намойиш этди. У тоғларда ҳам югура олади

Япониянинг Kawasaki компанияси Osaki Kansai Expe кўргазмасида Corleo номли мото-оти концептини тақдим этди.

Фото: Kawasaki

Habr’нинг ёзишича, робот водород двигатели билан жиҳозланган, у мото-отнинг 4 та оёғини ҳаракатга келтириш учун электр энергия ишлаб чиқариш вазифасини бажаради.

Робот бошқаруви сунъий интеллектли борт компютери томонидан амалга оширилади. От ҳар қандай жойда, жумладан, тоғли ва қорли ҳудудларда ҳам ҳаракатлана олади. Тунда ҳам бемалол юра олади.

Ҳозирча бу концептуал модел бўлиб, Kawasaki роботни серияли ишлаб чиқаришни 2050 йилга мўлжалламоқда. Мото-отнинг нархи ҳам маълум эмас.

Ишлаб чиқарувчилар роботнинг янги шахсий транспорт воситасига айланиб, машинада чиқиш имконсиз бўлган жойларга хавфсиз саёҳат қилиш имконини тақим этишига ишонч билдирмоқда.

#Kawasaki #робот