Қўшимча функционаллар
-
Тунги кўриниш
Спорт | 11:16 / 08.03.2025
3775
1 дақиқада ўқилади
Нодирбек Якуббаев – Prague Chess Festival Challengers ғолиби
Чехияда ўтказилган Prague International Chess Festival халқаро турнирининг «Challengers» гуруҳи баҳслари ўзбекистонлик гроссмейстер Нодирбек Якуббоевнинг ғолиблиги билан якунланди.
Фото: Prague Chess Festival Challengers
Нодирбек Якуббоев тайбрекда Жонас Бжерри устидан ғалаба қозониб, чемпионликни қўлга киритди. У турнир давомида бирор маротаба мағлубиятга учрамаган ҳолда 9 турдан 7 очко тўплади.
Қайд этиш жоиз, Якуббоев ғолиблик билан биргаликда кейинги йили «Мастерс» гуруҳида иштирок этиш имкониятини ҳам қўлга киритди.
Маълумот учун, Нодирбек янгиланган жаҳон рейтингида 2654 очко билан 71-ўринни эгаллаб турибди.
