Прагада россияликларга Чехия фуқаролигини бериш вақтинча тақиқланди
Қонунга кўра, россияликлар Россия фуқаролигидан воз кечган тақдирда ҳам, улар Россия Федерацияси томонидан Украинада бошланган уруш тугаганидан кейингина Чехия фуқаролигини олиш учун ариза беришлари мумкин.

Фото: Reinhard Kaufhold/picture alliance/dpa
Чехия президенти Петр Павел Россия фуқароларига ушбу давлат фуқаролигини беришни вақтинча тақиқловчи қонунни имзолади. Чехия давлати раҳбари сайтида 6 феврал, пайшанба куни эълон қилинган хабарга кўра, аксарият россияликлар Россия паспортидан воз кечган тақдирда ҳам Чехия фуқаролигини ололмайди: уларнинг Чехия фуқаролигини олиш ҳақидаги аризалари Украинадаги уруш тугагунига қадар музлатиб қўйилади. Фақат сиёсий қочқинлар ва 15 ёшгача бўлган болалар учун истисно қилинади.
Украиналик қочқинларни қабул қилиш
Ҳужжатнинг асосий қисмида украиналик қочқинларни Чехияга қабул қилиш тартиби белгиланган. Қабул қилиш тартиби бир йилга узайтирилди ва вақтинчалик ҳимоя қочқинларга давлат тиббий суғуртаси, шунингдек, таълим тизими ва меҳнат бозорига кириш имконини беради. Тузатиш иқтисодий жиҳатдан мустақил қочқинларга махсус яшаш учун рухсат олиш имконини яратади, бу эса кейинчалик уларга мамлакатда доимий қолишга имкон беради.
Шу билан бирга, ҳужжат украиналик болаларни Чехиядаги давлат ва шаҳар мактабларига қабул қилиш тартибини мураккаблаштиради. Қонуннинг ушбу қоидаси камситиш сифатида танқид қилинди.
Чехия Жиноят кодексида янги модда
Бундан ташқари, Чехия Жиноят кодексига хорижий давлат билан рухсатсиз ҳамкорлик қилишни тақиқловчи модда қўшилди. Мамлакатнинг энг йирик мухолифат партияси раҳбари, собиқ бош вазир Андрей Бабиш ушбу тузатишни танқид қилиб, уни Чехословакияда коммунизм қулагандан бери «сўз эркинлиги ва демократияга қилинган энг шафқатсиз ҳужум» деб атади.
Ҳужжат муаллифлари ушбу қоидаларни Чехия Республикасининг миллий хавфсизлиги манфаатларига мос келиши билан изоҳладилар.
Тавсия этамиз
Кредит олишга тақиқ ва Freeze хизмати: уларнинг фарқи нима?
Жамият | 09:02 / 26.06.2025
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Эроннинг амалдаги сиёсий тизими. У қандай пайдо бўлганди?
Жаҳон | 19:30 / 24.06.2025
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Сўнгги янгиликлар
-
Эрон 400 килодан ортиқ бойитилган уранни АҚШ зарбаларидан яширишга улгурган — Европа разведкаси
Жаҳон | 23:36 / 26.06.2025
-
ХВЖ даромад солиғини табақалаштиришга чақирди. Иқтисодчи бунга қарши тўртта сабаб келтирди
Иқтисодиёт | 23:08 / 26.06.2025
-
АҚШ 2026 йилда ядро триадасини ривожлантиришга 60 млрд доллар сарфлашни режалаштирмоқда
Жаҳон | 22:51 / 26.06.2025
-
Шавкат Мирзиёев амалий ташриф билан Беларусга етиб борди
Ўзбекистон | 22:32 / 26.06.2025
Мавзуга оид

09:16 / 26.06.2025
Португалия фуқаролик олиш қоидаларини қатъийлаштиряпти

11:34 / 19.06.2025
Чехия ҳукумати навбатдаги ишончсизлик вотумини енгиб ўтди

21:30 / 10.06.2025
Германия фуқаролигини олган россияликлар сони рекорд даражага етди

12:30 / 23.05.2025