Қўшимча функционаллар
-
Тунги кўриниш
Кремл Трамп жамоаси билан алоқа ўрнатилганини тасдиқлади
Киев ва Трамп маъмурияти ўртасида ҳам илк очиқ мулоқот ўтказилган. Кремл Зеленский билан тўғридан тўғри музокаралар ўтказишга тайёрлигини маълум қилган.

Фото: Getty Images
РФ президенти матбуот котиби Дмитрий Песков 5 феврал куни Оқ уй маъмурияти билан алоқалар сўнгги вақтларда интенсив тус олганини маълум қилди.
«Мен бу ўринда қуйидагиларни айтишим мумкин: алоҳида идоралар ўртасида чиндан ҳам контактлар бор. Сўнгги вақтларда бу алоқалар кучайган. Бошқа қандайдир деталларни айта олмайман», — деган Песков.
Песков бу билан Доналд Трампнинг АҚШ маъмурияти Москва билан Украинадаги урушни ҳал қилиш бўйича музокаралар олиб бораётгани ҳақидаги баёнотини билвосита тасдиқлади.
Бу Трамп Оқ уйга қайтганидан кейин Москва Америка томони билан мулоқотни аниқ тасдиқлаган илк расммий изоҳ бўлди. Трамп эса бир неча марта — инаугурациясидан ҳам олдинроқ — унинг жамоаси РФ ҳукумати билан алоқада бўлиб турганини айтганди, аммо Кремлдагилар буни рад этаётганди.
Москва ва Вашингтон ўртасида «жамоалар даражасидаги» мулоқот 2024 йилнинг ноябрида, Путин ва Трамп ўртасида гўёки биринчи тўғридан тўғри алоқа бўлиб ўтган пайтда бошланган, деб ёзади The Moscow Times икки россиялик расмийга таяниб. Уларнинг сўзларига кўра, томонлар бу фактни атайлаб ошкор этмаган ва «Америка истеблишменти томонидан бўлажак АҚШ президентига босим ўтказмаслик» учун мулоқот бошланишини ҳар томонлама рад этган. Шу билан бирга, нашрнинг Россия ТИВдаги манбаси аниқлик киритишича, айни пайтда Кремл АҚШнинг янги маъмурияти билан бош музокарачи лавозимига номзод қидира бошлаган ва бу функция катта эҳтимол билан Путинга энг яқин кишига ишониб топширилади.
Песков: Россия Зеленский билан музокарадан бош тортмайди, бироқ шарт бор
Шу билан бирга, Дмитрий Песков Кремл Украина президенти Володимир Зеленский билан музокарадан бош тортмаслигини айтди, гарчи Владимир Путин уни «ноқонуний» давлат раҳбари деб ҳисоблаб келади. «Жаноб Зеленскийнинг қонунийлиги борасида де-юре катта муаммолар бор, бироқ шунга қарамай, Россия томони музокаралар учун очиқлигича қолмоқда», — дея Песков сўзларини келтиради «Интерфакс».
Шу билан бирга, унинг таъкидлашича, Украина раҳбарияти бундан «манфаатдорлигини намоён этиши» ва Путин билан алоқага қўйилган қонунчилик тақиқини бекор қилиши керак. Акс ҳолда Кремл Зеленскийнинг Россия президенти билан тўғридан тўғри музокараларга тайёр экани ҳақидаги баёнотини жиддий қабул қилмайди. «Тайёрлик нимагадир асосланиши керак… Шунинг учун ҳозирча буни қуруқ гапдан бошқа нарса сифатида қабул қилиб бўлмайди», — дейди Песков.
Бир кун аввал британиялик журналист Пирс Морганга берган интервюсида Зеленский бошқа вариантлар бўлмаса, Путин билан тўғридан тўғри музокаралар олиб боришга тайёрлигини айтди. «Агар бу биз украиналиклар учун тинчликка эриша оладиган ва одамларни йўқотмайдиган ягона конфигурация бўлса, албатта, бунга борамиз», деди Украина президенти. Йўл-йўлакай у бу ишда унинг Путинга нисбатан шахсий муносабати аҳамиятсиз эканини таъкидлади.
Трамп 4 феврал куни навбатдаги марта АҚШ ҳозирнинг ўзидаёқ Киев билан ҳам, Москва билан ҳам «Украина бўйича жуда яхши музокаралар» олиб бораётганини айтганди. У ҳозирда Украинадаги кўплаб шаҳарлар бомбардимонлар туфайли «Ғазодаги каби, ҳатто ундан ҳам ёмонроқ» кўринишга келганини айтиб, ҳалок бўлаётган ҳарбийлар сони ҳақида ҳар ҳафта ҳисобот олиб тургани ва бу маълумотлар «ҳайратга солиши»ни қайд этганди. «Мен бу тўхташини истайман», — деган АҚШ президенти.
Шу куни Украина президенти офиси раҳбари Андрей Ермак Трампнинг миллий хавфсизлик бўйича маслаҳатчиси Майкл Уолц билан телефон орқали мулоқот қилди. «Европейская правда» қайд этишича, бу Киев вакилининг Оқ уйдаги янги маъмурият билан илк очиқ контакти бўлди.
Трамп аввалроқ Украина президенти Володимир Зеленский билан ҳам, РФ президенти Владимир Путин билан ҳам учрашишга тайёрлигини билдирганди. Бу учрашувлар қачон бўлиб ўтиши ҳозирча номаълум. Зеленский феврал ойи бошида унинг Трамп билан учрашуви Россия-Украина музокаралари форматини белгилашдан олдинроқ ўтказилиши кераклигини айтганди.
Тавсия этамиз
„Участкавой“ президент билан учрашувда капитанга айланди
Ўзбекистон | 15:27 / 11.07.2025
Трамп: НАТО Украина учун АҚШдан қурол сотиб олади
Жаҳон | 11:21 / 11.07.2025
Элдор Шомуродов Туркия клубига ўтди
Спорт | 11:12 / 11.07.2025
Таэквондочи Улуғбек Рашидов икки йилга дисквалификация қилинди
Спорт | 11:00 / 11.07.2025
Сўнгги янгиликлар
-
Ҳар якшанба кунлари Тошкентдан Малдивга тўғридан тўғри рейслар
Ўзбекистон | 09:00 / 11.07.2025
-
Путин Эронга уранни бойитишни тўлиқ тўхтатишни таклиф қилди – ОАВ
Жаҳон | 20:08
-
Дуров муваффақиятли компания ташкил қилишнинг асосий шартини айтди
Жаҳон | 19:42
-
Май ҳам ўтди, қонундан эса дарак йўқ: давлат хизматчилари даромади қачондан декларацияланади?
Ўзбекистон | 19:23
Мавзуга оид

15:10
Ҳарбий жиноятларда айбланган Россия бригадаси командири ҳалок бўлди

14:24
Bloomberg: Украина Тюмен вилоятидаги газ қувурини портлатиб юборди

14:07
Мерц Украинанинг тикланиши учун зарур шартларни санаб ўтди

12:30