Қўшимча функционаллар
-
Тунги кўриниш
Польша Инсон ҳуқуқлари бўйича Европа конвенциясининг бир қисмини тан олмади
Мамлакат Конституцион суди қарорида айтилишича, Инсон ҳуқуқлари бўйича Европа суди Польша суди судьяларини тайинлашни кўриб чиқиш ва баҳолаш ҳуқуқига эга эмас.
Фото: AFP/Getty Images
Польша Конституцион суди Инсон ҳуқуқлари бўйича Европа конвенциясининг алоҳида моддаларини мамлакат конституциясига номувофиқ деб топди. Бу ҳақда Deutsche Welle хабар бермоқда.
Суд қарорида айтилишича, Инсон ҳуқуқлари бўйича Европа суди Польша суди судьяларини тайинлашни кўриб чиқиш ва баҳолаш ҳуқуқига эга эмас.
“Конвенциянинг 6-моддаси Польша конституциясига мос келмайди”, - деди Конституцион трибунали раиси Юлия Пшилебска.
“Конституцион суд Инсон ҳуқуқлари бўйича Европа судининг бизнинг тизимни издан чиқарувчи қарорини рад этади”, - деб ёзди мамлакат адлия вазири ўринбосари Себастян Калета Twitter саҳифасида.
Қайд этилишича, бу қарор Польша ва унинг Европадаги иттифоқчилари ўртасида суд ислоҳотлари масаласида навбатдаги низони келтириб чиқарди.
“Польша Конституцион трибуналининг бугунги қарори жиддий хавотир уйғотади”, - деди Европа кенгаши бош котиби Мария Пейчинович-Бурич.
Мавзуга оид
15:14 / 01.05.2025
Польша Ўзбекистондан ҳайдовчиларни ишга жалб қилиш имконини ўрганмоқда
16:59 / 08.04.2025
Полша бизнес-миссияси UzFood 2025 халқаро кўргазмасида иштирок этди
22:21 / 18.09.2024
Европа Иттифоқи суди Google’га белгиланган 1,5 млрд евролик жаримани бекор қилди
22:20 / 29.05.2023