Ўзбекистонга AstraZeneca вакцинасининг навбатдаги партияси олиб келинди

Бугун тонгда COVAX дастури доирасида AstraZeneca вакцинасининг 356 минг дозаси юртимизга олиб келинди. Бу ҳақда Санитария-эпидемиология хизмати хабар бермоқда.

Қайд этилишича, республикага келтирилган жами вакцина 22 миллион 802 минг 540 дозани ташкил қилмоқда.

Улардан:

460 000 дозаси "Sputnik V",
1 342 480 дозаси AstraZeneca,
18 000 000 миллион дозаси ZF-UZ-VAC2001,
3 000 060 дозаси Moderna вакцинасидир.

Аввалроқ, Ўзбекистонга 1 млн 200 минг дозадан ортиқ Pfizer/BioNTech ва 600 минг дозадан ортиқ AstraZeneca вакциналари олиб келиниши кутилаётгани маълум бўлганди.

#AstraZeneca #вакцина