Андижон шаҳри кўчаларида павлония дарахтлари гуллади

Павлония мамлакатимизга янги кириб келган ўсимлик ҳисобланиб, бундан тўрт йил олдин Андижон шаҳри кўчаларига экилган эди. 

Бугун Андижоннинг Мустақиллик, Эски Ўш кўчаларида бўй чўзган павлониялар қийғос гуллади. Мазкур дарахтни бежиз, “хаёлий гўзаллик кашф этиб гуллайди”, дейишмас экан. Андижонликлар “ажнабий” дарахтнинг ўзгача чиройдаги гулларини кўчаларда сайр қилиб тамоша қилишмоқда.

Павлония дунёдаги тез ўсувчи дарахтлардан ҳисобланиб, кўчалар ва истироҳат боғларини безайдиган манзарали ўсимликдир.