Маҳмуд Муродов UFC’даги дебют жангида ғалаба қозонди

Фото: Profimedia

Ўзбекистонлик яккакураш жангчиси Маҳмуд Муродов Мутлақ жангчилик чемпионати – UFC’даги дебют жангида италиялик Алессио ди Кирико устидан ғалаба қозонди.

Жанг Копенгагенда UFC Fight Night 160 турнирида бўлиб ўтди.

Ҳакамлар бир овоздан Муродовни ғолиб деб топишди.

Машҳур америкалик боксчи Флойд Мейвезер жамоасига кирувчи ўзбекистонлик яккакураш жангчиси Ўзбекистоннинг UFC’даги илк вакили ҳисобланади. Аввалроқ Мейвезер Муродовни MMA’нинг энг яхши жангчиси деб атаганди.

Муродов аввал Европанинг Oktagon ва XFN лигаларида иштирок этган.

#UFC #Маҳмуд Муродов