Жиззахда шиша заводи қуришга 100 млн долларлик инвестициялар жалб этилади

Фото: Жиззах вилояти ҳокимлиги ахборот хизмати
Жиззах вилояти ҳокимининг ўринбосари Азим Аҳмедхўжаев бошчилигидаги Ўзбекистон Республикаси делегацияси Францияда бўлиб турибди. Бу ҳақда вилоят ҳокимлиги ахборот хизмати хабар қилди.
Ташриф дастурига мувофиқ, куни кеча Fives Stein компанияси раҳбарияти билан учрашув ўтказилди. Учрашув давлат раҳбарининг ўтган йилнинг октябрь ойида Францияга қилган расмий ташрифидан сўнг завод қурилиши бўйича эришилган келишувлар ижросини жадаллаштириш бўйича ўтказилди.
Жиззах вилояти ҳудудида архитектура ва автомобиль ойналарини ишлаб чиқаришини йўлга қўйиш мақсадида Франция ҳукумати лойиҳанинг техник-иқтисодий асосини ишлаб чиқиш учун 575 минг АҚШ доллари миқдорида Fives Stein компаниясига грант маблағларини ажратишга қарор қилган.
Қурилиши режалаштирилган завод жами 100 миллион АҚШ доллари миқдорида инвестицияларни жалб этиб, кунига 600 тонна шиша ишлаб чиқариш ва 200 дан ортиқ иш ўринлари яратишга мўлжалланган.
Музокаралар натижасида Жиззах вилояти ҳокимлиги ва Fives Stein компанияси ўртасида ушбу йўналишдаги ҳамкорлик тўғрисида келишув имзоланди.
Fives Stein шиша маҳсулотларини чиқариш учун ускуналар ва технологик линияларини ишлаб чиқариш бўйича етакчи компанияларнинг бири бўлиб, халқаро миқёсда 200 йилдан ортиқ бўлган тажрибага эга.
Компаниянинг жаҳонда 30 дан ортиқ мамлакатларида 100 та филиали ва минтақавий офислари мавжуд. Сўнгги 20 йил ичида компания Туркия, Саудия Арабистони, Бразилия ва Россия каби мамлакатларда 22та завод қурган.
Мавзуга оид

19:41 / 10.06.2025
Зоминда сел туфайли автомобил йўли ёпилиб қолди

10:40 / 07.06.2025
Хоразм ва Жиззахда сифатсиз бензинни сотувга чиқарган заправкалар аниқланди

14:42 / 03.06.2025
Жиззахда одамларни кутилмаган усулда чув туширган “металлолом”чи Kun.uz суриштирувидан сўнг қўлга олинди

17:03 / 22.05.2025