Brent нефти нархи 2014 йил ноябридаги максимумни янгилади

REUTERS/Nick Oxford

25 сентябрь кунги савдолар чоғида Brent нефтининг бир баррели 82 долларлик нуқтани қайд этди ва бу билан 2014 йилнинг ноябридан буён максимум кўрсаткич қайд этилди.

Экспертларнинг ҳисоблашича, нарх ошишига жаҳон бозорида кутилаётган хомашё дефицити сабаб ҳисобланади.

Айни вақтда Trafigura ва Mercuria трейдерлари нефть нархи бир баррели 90 долларга кўтарилишини, АҚШнинг Эронга қарши санкциялари ортидан яқин ойларда 100 долларгача чиқиши мумкинлигини ҳам прогноз қилган.

АҚШ президенти Дональд Трамп шу йилнинг май ойида Қўшма штатлар Эрон билан ядровий келишувдан чиқиши ҳақида эълон қилганди. Бунинг ортидан расмий Теҳронга қарши санкциялар кучга кира бошлади. Расмий Вашингтон ноябрь ойидан импортёрлардан Эрондан нефть харид қилишни тўхтатишни талаб қилади.

#нефть #Brent