АҚШ армияси дронларни лазер ёрдамида уриб туширмоқчи

Фото: UNN

АҚШ мудофаа вазирлигига жанговар тизимлар етказиб берувчи Raytheon компанияси жанговар лазер билан жиҳозланган тезюрар йўлтанламасни тақдим қилди. Бу тизим ёрдамида террорчилар америкалик ҳарбийларга борган сари кенг қўллаётган разведкачи ва портловчи моддалар билан қуролланган дронларни уриб тушириш мўлжалланмоқда.

Бундай нишонларга қарши қиммат турувчи кинетик ўқ-дориларини қўллаш молиявий жиҳатдан ўзини оқламайди: нархи бир неча минг долларлик дронларга қарши миллионлаб доллар турувчи ракеталарни қўллаш анча зиён келтиради.

Жанговар лазерни қўллаш эса анча арзон туради ва ундан чексиз марта отиш мумкин.

Янги тизим яратувчилари кучли лазерни Raytheon’нинг илғор нишонга олиш тизими билан бирлаштириб, уни Polaris MRZR ҳарбий машинасига ўрнатишди.

#лазер #дрон