Моуриньо ўйиндан кейин Контенинг қулоғига нима дегани маълум бўлди

«Манчестер Юнайтед» жамоаси бош мураббийи Жозе Моуриньо «Челси»га қарши ўйиндан кейин рақиблар бош мураббийи Антонио Контега нима дегани маълум бўлди.

«Бундай нишонламаслик керак. 1:0 бўлса майли эди.  4:0 ҳисобида эса бу шунчаки бизни ерга уришдир», – дея унинг сўзларини келтирган Italian Football TV.

Бундан олдинроқ Антонио Конте ўйин якунидаги ҳаракатларига изоҳ бериб (у тўртинчи голни катта хурсандчилик билан нишонлаганди - таҳр.), мухлислардан футболчиларга олқиш олиб бериш ниятида бўлгани, бунга футболчилар муносиб бўлгани ҳақида айтиб ўтганди. У Моуриньо билан ўйиндан кейинги гапларни ошкор қилмасликни маъқул кўрган.