YeI AQShga qarshi 72 mlrd yevrolik javob bojlarini tayyorladi

YeI rasmiylari AQShning shunga o‘xshash harakatlariga javoban bojlar undiriladigan 72 milliard yevrolik AQSh tovarlari ro‘yxatini tayyorladi. Bu haqda 14 iyul, dushanba kuni Yevropa Ittifoqining savdo bo‘yicha komissari Marosh Shefchovich ma’lum qildi.

«Bugun Yevrokomissiya a’zo davlatlarga AQShdan import qilinadigan tovarlarning ikkinchi ro‘yxati bo‘yicha umumiy qiymati taxminan 72 milliard yevro bo‘lgan taklifni taqdim etadi. Endi ular buni muhokama qilish imkoniyatiga ega bo‘ladi», — deya rasmiyning so‘zlaridan iqtibos keltiriladi YeK saytida.

«Bu bizning barcha vositalarimiz emas, barchasi stolda saqlanib qoladi», deb qo‘shimcha qildi Shefchovich. U gap qaysi tovarlar haqida ketayotganiga aniqlik kiritmadi.

Shu bilan birga, unga ko‘ra, Bryussel Vashington bilan muzokaralar uchun ochiq. «Bizning transatlantik munosabatlarimiz muzokaralar yo‘li bilan yechim topishga loyiq», — dedi Yevropa komissari.

12 iyul kuni Donald Tramp 1 avgustdan Yevroittifoqdan yetkazib beriladigan tovarlarga 30 foizlik bojxona to‘lovlarini joriy etish niyatida ekanini ma’lum qildi. U buni Bryussel va Vashington o‘rtasidagi «eng jiddiy savdo defitsitlaridan biri» bilan izohladi.