Tramp Eronga «so‘nggi ultimatum» qo‘ydi va Putinning vositachiligini rad etdi

U hamon Eronning so‘zsiz taslim bo‘lishini talab qilishini ta’kidladi.

Foto: AFP/Getty Images

AQSh prezidenti Donald Tramp Eronga «so‘nggi ultimatum» qo‘yganini aytdi. U hamon Eronning so‘zsiz taslim bo‘lishini talab qilishini ta’kidladi.

«Hammasi oddiy - Tehron taslim bo‘lishi kerak», dedi Tramp.

U agar Eron bu talabni rad etsa, AQSh Eronning harbiy va yadroviy inshootlariga zarba berishi bilan tahdid qildi va amerikaliklar bu mamlakat osmonini to‘liq nazorat qilayotganini eslatdi.

«Shunda biz barcha yadroviy narsalarni portlatib yuboramiz, ular Eron bo‘ylab joylashtirilgan», dedi Tramp.

Uning fikricha, Eronning «niyati yomon», chunki «40 yildan beri ular Amerikaga, Isroilga va o‘zlari yoqtirmagan odamlarga o‘lim tilamoqda».

Tramp, shuningdek, Isroil va Eron o‘rtasidagi ziddiyatni hal qilishda yordam berishni taklif qilgan Rossiya prezidenti Vladimir Putinning vositachiligidan bosh tortganini aytdi.

«Men unga aytdim: menga bir iltifot qil – o‘zingga vositachi bo‘l... Vladimir, kel, avvalo Rossiya bilan shug‘ullanaylik. Eron bilan keyinroq shug‘ullanishing mumkin», dedi Tramp. AQSh prezidenti tezroq tugatilishi tarafdori bo‘lgan Ukrainadagi urushni nazarda tutganini ta’kidladi.

#AQSh #Eron #Rossiya #Donald Tramp