Isroil politsiyasi ikki eronlik josusni qo‘lga oldi

Asli yahudiy bo‘lgan ikki Isroil fuqarosi mahalliy huquq-tartibot idoralari tomonidan Eron foydasiga josuslik qilganlikda gumonlanib hibsga olindi. Bu haqda politsiya va Umumiy xavfsizlik xizmati ("Shin-bet", ShABAK)ning 15 iyun, yakshanba kuni chop etilgan qo‘shma bayonotida aytilgan.

«Eronga qarshi davom etayotgan kampaniya, Isroildagi aholi punktlari va strategik ahamiyatga ega obektlarga raketa hujumlari sharoitida biz Eron bilan hamkorlik olib keladigan zarar va xavfning guvohi bo‘lyapmiz», — deyiladi bayonotda. Eron tomoni, Isroil razvedka xizmatiga ko‘ra, josuslar tomonidan taqdim etilgan ma’lumotlardan Isroilga zarar yetkazish uchun foydalangan.

Avvalroq Eron ham "Mossad" Isroil razvedka xizmatining ikki agentini o‘z hududida portlovchi moddalar va elektron qurilmalar tayyorlayotgan vaqtda hibsga olganini ma’lum qildi, deb xabar berdi mahalliy Tasnim agentligi.

13 iyun kuni Isroilning Eron yadroviy va harbiy infratuzilma obektlariga birinchi hujumidan so‘ng, "Mossad" mamlakat harbiy-havo kuchlarining zarbalari bilan bir vaqtda yerda o‘zining maxsus operatsiyasini amalga oshirgani ma’lum bo‘ldi. Xususan, razvedka xodimlari Eron havo hujumidan mudofaa tizimlari yaqinida yuqori aniqlikdagi qurollarni joylashtirgan, mamlakatga yashirincha olib kelingan mashinalarga zarba berish tizimlari o‘rnatgan va Tehron yaqinida dronlar bazasini yaratgan.

Isroil harbiy-havo kuchlari zarba berishni boshlagan bir vaqtda Eron hududidagi qurollar havo mudofaasini bostirish ishga tushirildi va poytaxtdagi nishonlarga hujum qilish boshlandi.