Istanbul meriyasining 30 nafardan ortiq xodimi hibsga olindi
Hibslar shahar sobiq meri Akrom Imomo‘g‘liga qarshi qo‘zg‘atilgan korrupsiya ishi doirasida amalga oshirilmoqda.

Foto: Adem Kutucu
Turkiyaning Istanbul shahri Bosh prokuraturasi meriyaning 47 nafar xodimini hibsga olish uchun order berishni ma’qulladi. Ular pora olish va tovlamachilikda gumon qilinmoqda, deb xabar berdi Haberturk. Hibslar shahar sobiq meri Akrom Imomo‘g‘liga qarshi qo‘zg‘atilgan korrupsiya ishi doirasida amalga oshirilmoqda.
Telekanal ma’lumotlariga ko‘ra, allaqachon 31 kishi qo‘lga olingan. Ular orasida Istanbulning ikki tumani - Beshiktosh va Buyukchekmejye rahbarlari ham bor. Tergov ma’lumotlariga ko‘ra, Buyukchekmejye meri Hasan Oqgun va uning mulozimlari shirkatlarni «sovg‘a sifatida» villalar va kvartiralarni berishga yoki shu nomdagi mahalliy basketbol jamoasiga «ehson» qilishga majburlagan. Ta’kidlanishicha, meriya xodimlari ushbu talablarni qabul qilmagan tadbirkorlarga qurilishga va qurilgan binolariga ruxsatnoma bermagan.
Qayd qilinishicha, bu hibsga olishlarning beshinchi to‘lqinidir. Mart oyida Istanbul meri Akrom Imomo‘g‘li 560 milliard turk lirasi miqdoridagi korrupsiya va firibgarlikda, shuningdek, Kurdiston ishchilar partiyasi bilan hamkorlikda ayblangan edi. U lavozimidan chetlatilgan va hibsga olingan.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
Mavzuga oid

20:23 / 19.06.2025
Interpol sobiq rahbari shaxslarni pora evaziga qidiruvdan olib tashlaganlikda gumonlanmoqda

09:48 / 17.06.2025
Erdo‘g‘an: Qisqa vaqtda hech kim bizga qarshi chiqishga jur’at etolmaydigan darajaga chiqamiz

18:58 / 13.06.2025
Armanistonda sobiq bosh vazir Ovik Abramyan qo‘lga olindi

20:15 / 12.06.2025