Shveytsariya 71 ta Leopard tankining Germaniyaga sotilishiga ruxsat berdi
Ushbu tanklar RUAG MRO kompaniyasiga tegishli. Shartnomaga ko‘ra, bu tanklar Ukrainaga qayta eksport qilinmasligi kerak.

Foto: Getty images
Shveytsariya Iqtisodiyot vazirligi (EAER) Germaniyaga 71 ta Leopard 1 A5 tankini Ukrainaga qayta eksport qilmaslik sharti bilan sotishga ruxsat berdi. Bu haqda konfederatsiyaning federal kengashi press-relizida so‘z boradi.
Tanklar Italiyada saqlanayotgan va Shveytsariyaning RUAG MRO qurolsozlik konserni bo‘linmasiga tegishli texnikalar hisobidan yetkaziladi. Umumiy hisobda kompaniyada 2016 yili Italiya Mudofaa vazirligidan sotib olingan 96 ta tank mavjud. 25 ta zirhli mashinaga egalik huquqi hozirga qadar bahsli bo‘lib qolmoqda. 2023 yil 28 iyunda Shveytsariya hukumati ushbu tanklarni Ukrainaga yuborish maqsadida Germaniyaga sotishni taqiqlagan edi.
Shundan keyin RUAG MRO mazkur tanklarni sotishga ruxsat olish uchun ariza bergan. Ehtimoliy xaridorlar qatorida Germaniyada joylashgan kompaniya ham bor edi. Shartnomada mashinalarni Ukrainaga har qanday sharoitda berish istisno qilingan. Natijada Iqtisodiyot vazirligi RUAG MRO kompaniyasi Italiyada joylashgan o‘z tanklarini Germaniya kompaniyasiga sotishi uchun ruxsat shart emas degan qarorni chiqardi.
«Tomonlarning tanklar, butlovchi qismlar va jihozlarni Ukrainaga topshirmaslik bo‘yicha shartnomaviy kafolatlarini inobatga olgan holda, rejalashtirilgan savdo harbiy texnika yetkazib berishga qo‘yilgan embargo talablariga zid emas», — deya aniqlik kiritadi vazirlik.
2024 yil dekabrda Germaniya Mudofaa vazirligi 650 million yevrolik harbiy yordam paketi doirasida Ukrainaga IRIS-T havo hujumidan mudofaa tizimlari, dronlar va Leopard-1 tanklarini yetkazib berishini e’lon qilgandi. Bild ma’lumotlariga ko‘ra, Germaniya Ukrainada 2,5 ming kilometrgacha ucha oladigan raketalar ishlab chiqarishni moliyalashtirishi mumkin.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
Belarus muxolifati vakili Sergey Tixanovskiy qamoqdan ozod etildi
Jahon | 19:22
-
"Prezident tashrifi bo‘lishi aniq, lekin vaqti noma’lum" - Britaniya elchisi bilan suhbat
O‘zbekiston | 19:10
-
Erondan 60 ga yaqin O‘zbekiston fuqarolari vatanga qaytarildi
O‘zbekiston | 19:06
-
O‘zbekistonda kredit ajratilishini o‘ziga o‘zi taqiqlash imkoniyati paydo bo‘ldi
O‘zbekiston | 19:06
Mavzuga oid

09:30
Bundesver strategiyasida Rossiya «ekzistensial xavf» deb ataldi

14:16 / 19.06.2025
Germaniya TIV rahbari Eron bilan urush kengayishi xavfi haqida ogohlantirdi

12:56 / 18.06.2025
Mers: Isroil biz uchun Eronda og‘ir ishni qilyapti

13:55 / 17.06.2025