Jahon | 15:12 / 26.05.2025
2573
2 daqiqa o‘qiladi

1 sentabrdan Moskva va Moskva viloyatidagi migrantlar geolokatsiya bo‘yicha kuzatib boriladi

Rossiya Federal majlisi Federatsiya kengashi 2025 yil 1 sentabrdan boshlab 2029 yil 1 sentabrgacha Moskva va Moskva viloyatida tajriba o‘tkazish to‘g‘risidagi qonunni ma’qulladi.

Foto: Mixail Tereshchenko / TASS

O‘zbekistonning Rossiyadagi elchixonasi konsullik bo‘limi Telegram-kanali ma’lumotiga ko‘ra, Rossiyaga vizasiz kelgan migrantlardan quyidagilar talab etiladi:

– ro‘yxatdan o‘tish;
– shaxsiy ma’lumotlarni, shu jumladan geolokatsiyani kuzatishga rozilik berish;
– vaqtincha yashash manzili to‘g‘risida IIVni xabardor qilish.

Agar uch kun ichida geolokatsiya ma’lumotlari taqdim etilmasa, migrant nazoratdagi shaxslar reyestriga kiritilishi mumkin.

Eksperimentda quyidagi toifadagi shaxslar jalb etiladi:

– patent bilan ishlayotganlar;
– patensiz ishlash huquqiga ega bo‘lganlar (Belarus fuqarolaridan tashqari);
– kirish maqsadini o‘zgartirganlar;
– 90 kundan ortiq bo‘lgan, lekin ishlamaydiganlar.

Majburiy shartlar:

– vaqtincha yashash manzili bo‘yicha ro‘yxatdan o‘tish;
– daktiloskopiyadan o‘tish;
– biometrik suratga olish;
– geolokatsiyani kuzatish.

Mazkur tajriba muvaffaqiyatli o‘tsa, Rossiyaning boshqa hududlariga ham joriy etilishi rejalashtirilmoqda.

Mavzuga oid