Toshkentning 4 ta tumanida issiq suv ta’minoti vaqtincha o‘chiriladi

Toshkentning Yunusobod, Olmazor, Mirzo Ulug‘bek va Yashnobod tumanlarida issiq suv ta’minoti vaqtincha o‘chirilishi mumkin. Bu haqda Veolia Energy Tashkent kompaniyasi xabar berdi.

Qayd etilishicha, 22 may kuni soat 10:00 dan 18:00 gacha «Hududgaz Poytaxt» gaz ta’minoti filiali tomonidan yuqori bosimli gaz quvurida rejalashtirilgan texnik ishlar amalga oshiriladi. Shu munosabat bilan ayrim issiqlik markazlarida gaz ta’minoti to‘liq yoki qisman to‘xtatilishi mumkin, bu esa issiq suv ta’minotida uzilishlarga olib keladi.

IM-4 — gaz bosimi pasayishi tufayli quyidagi Yunusobod, Olmazor, Mirzo Ulug‘bek tumanlarida issiq suv ta’minotida uzilishlar kuzatilishi mumkin:

Ko‘chalar — Amir Temur, Mustaqillik, Ahmad Donish, Sharof Rashidov, Yahyo G‘ulomov, Shahrisabz, Shastri, Yangi shahar, Dehqonobod, Sohibkor, Katta halqa yo‘li, Shahriston, Uch qahramon, Mo‘yqo‘rgon, Rihsili, Yangi Yunusobod, Yunusota, Juma masjid, Osiyo, Bog‘ishamol, 1-tor Minor, Chingiz Aytmatov, Kichik halqa yo‘li, Hamid Olimjon, Mingo‘rik, Abdulla Qodiriy, Bodomzor, Ko‘rgazma, Qozitarnov, G‘irg‘irtepa, Shivli, Shuhrat, Bog‘iravon, Mukarrama Turg‘unboyeva, Gulsaroy, Sebzor, Oltinsoy, Shimoliy Olmazor, Zulfiyaxonim, Labzak, Nurafshon, Qoraqamish, 1-ko‘cha Qoraqamish, Talabalar shaharchasi, Universitet, Beltepa, Forobiy, Beruniy, Muxbir, Mirzo G‘olib, Shifokorlar, 2-ko‘cha Shifokorlar, Qamarniso;

Massiv va kvartallar — Beltepa, Ibn Sino-1 va 2, Jarariq, Qamarniso, Beshqo‘rg‘on 1–4, Olimpiya, Shifokorlar shaharchasi, Talabalar shaharchasi, O‘zMU, ToshKTU hududlari, Yunusobod kvartallari 1–19, Ts-1, Ts-2, Ts-4, Ts-5, Ts-6, Ts-12, Ts-15, Ts-17, Ts-18 (Sebzor), To‘xtapul, Qoraqamish 1/1, 1/2, 1/3, 1/4, 2/1, 2/3, 2/4, 2/5, Hamid Olimjon maydoni.

IM-1 — gaz berilishi vaqtincha to‘xtatilishi munosabati bilan quyidagi Mirzo Ulug‘bek, Yunusobod, Yashnobod tumanlarida issiq suv ta’minoti uziladi:

Ko‘chalar — Mustaqillik, Mirzo Ulug‘bek, Buyuk Ipak yo‘li, Qori Niyoziy, Muhammad Yusuf, Sayram, Tamaraxonim, Oqqo‘rg‘on, O‘tkir Sultonov, Osiyo, Lev Tolstoy, Navnihol, 3-ko‘cha Navnihol, Yassi, Qalandar, Bo‘z, Sayramning 5- va 7-tor ko‘chalari, Chust, Katta Darxon, 2-tor Katta Darxon, Geologiya, Ibrohim Mo‘minov, Niyozbek yo‘li, Kichik halqa yo‘li, Katta halqa yo‘li, Do‘rmon yo‘li, Shahriobod, Ziyolilar, Mirzaxolov Ismoiliy, Parkent, Bog‘ishamol, Namangan ko‘chasi, Zarbuloq, Qirqyigit, Tamaraxonim tor yo‘li, Ozodlik, Feruza;

Massiv va obektlar — Yalang‘och, Toshselmash, Mavlono Riyoziy, Bo‘z-1, Bo‘z-2, Feruza, ToshGES posyolkasi, Hamid Olimjon maydoni, Toshkent Davlat Agrar universiteti hududi.

Veolia Tashkent Energy kompaniyasi 90 foiz issiqlik energiyasini (issiq suv ta’minotini) «Toshkent issiqlik markazi» AJga tegishli 9 ta qozonxonadan, shuningdek, «Toshkent EM»dan sotib oladi va poytaxt aholisiga issiq suvni yetkazib beradi. Kompaniya tasarrufidagi qozonxonalar umumiy hajmning 10 foizini ta’minlaydi xolos.

«Gaz ta’minoti tiklanishi bilan, issiqlik manbalari faoliyati qayta boshlanadi va Veolia Energy Tashkent mutaxassislari ta’sirlangan hududlarda issiq suv ta’minotini darhol tiklashga kirishadi. Tushunganingiz uchun minnatdorlik bildiramiz, vaqtinchalik noqulayliklar uchun uzr so‘raymiz», — deyiladi xabarda.