Xitoy kosmik stansiyasidan noma’lum mikrob shtammi topildi

Xitoyga tegishli «Tyangun» kosmik stansiyasidan Yerda uchraydigan bakteriyaning yangi shtammi — Niallia tiangongensis topildi. Bakteriya nomunalari 2023 yilning mayida to‘plangan.

Qayd etilishicha, yangi shtamm kosmik stansiya kayutasidan topilgan bo‘lib, ular steril salfetkalarga yig‘ilgan, muzlatilgan va Yerga olib kelingan. Yerdan tashqarida mikroblarning xatti-harakatlarini o‘rganish kosmonavtlarning sog‘lig‘ini himoya qilish va kosmik kema tizimlarini saqlash uchun juda muhim.

Olimlarning ta’kidlashicha, Niallia tiangongensis kosmosning ekstremal sharoitlariga moslasha oladi. U Yerdagi shakliga qaraganda radiatsiya sababli yuzaga kelgan shikastlanishlarni yaxshiroq tiklaydi va hujayra hamda to‘qimalarning faoliyatini buzuvchi nomutanosiblik — oksidlovchi stressga qarshi kurashadi.

Shtammning koinotda qanday omon qolishiga oid ma’lumotlar mikroblarni nafaqat Yer orbitasidan tashqarida, balki qishloq xo‘jaligi, tibbiyot va boshqa sohalarda ham nazorat qilish strategiyalarini ishlab chiqishda yordam berishi mumkin. Bakteriyaning ma’lum organik birikmalarni parchalash qobiliyati olimlarga chiqindilarni qayta ishlash sohasida yangi imkoniyatlar ochadi.