JSST kelajakdagi pandemiyalarga qarshi kurash bo‘yicha yangi global bitimni tasdiqladi
Hujjatga muvofiq, ishlab chiqaruvchilar qashshoq mamlakatlar ehtiyojlarini qondirish uchun o‘z mahsulotining 20 foizini JSSTga ajratishlari kerak bo‘ladi.

Foto: Reuters
Jahon sog‘liqni saqlash tashkiloti kelajakdagi pandemiyalarga (koronavirus kabi) qarshi kurash bo‘yicha yangi global bitimni tasdiqladi. Hujjat uch yillik muzokaralardan keyin Jyenevada o‘tkazilgan Jahon sog‘liqni saqlash assambleyasida qabul qilindi.
Reutersʼning yozishicha, hujjatning qabul qilinishida qachondir JSSTning eng yirik donori bo‘lgan AQShning yo‘qligi, kelishuv samaradorligini shubha ostiga qo‘yadi.
JSST bosh direktori Tedros Gebreyyesus yangi kelishuvni «jamoat salomatligi va ilm-fan uchun g‘alaba» deb atab, u mamlakatlarga bo‘lajak tahdidlarga qarshi birgalikda kurashishga yordam berishini ta’kidladi.
Ushbu xalqaro bitim tashkilotga a’zo davlatlar zimmasiga pandemiya sharoitida vaksinalar, dori-darmon va diagnostika vositalaridan adolatli foydalanishni ta’minlash majburiyatini yuklaydi. Ishlab chiqaruvchilar qashshoq mamlakatlar ehtiyojlarini qondirish uchun o‘z mahsulotining 20 foizini JSSTga ajratishlari kerak bo‘ladi.
Prezident Donald Trampning tashabbusi bilan JSST a’zoligidan chiqqan AQShning esa bitimga hech qanday aloqasi bo‘lmaydi.
Hujjat 124 ta ovoz bilan qabul qilindi, 11 ta davlat ovoz berishdan tiyildi. Shu bilan birga, ishtirokchilarning hech biri «qarshi» ovoz bermadi.
Xalqaro bitim muhokamasi iyul oyida boshlanib, ikki yilgacha davom etishi mumkin bo‘lgan patogen ma’lumotlar almashinuvi bo‘yicha kelishuvdan so‘ng kuchga kiradi.
Mavzuga oid

17:31 / 16.04.2025
JSST kelajakdagi pandemiyalardan himoyalanish rejasini taqdim etadi

08:49 / 03.04.2025
«Yangi pandemiya dunyoda hatto ertagayoq boshlanishi mumkin» - JSST bosh direktori

14:54 / 30.03.2025
Reuters: JSST moliyaviy muammolar sabab xodimlari sonini qisqartiradi

10:41 / 13.03.2025