O‘zbekiston va AEXA yadroviy infratuzilmani rivojlantirish bo‘yicha hamkorlikni kelishib oldi

Atom energiyasi bo‘yicha xalqaro agentlik bosh qarorgohida agentlik ekspertlari va O‘zbekiston delegatsiyasi o‘rtasida 2025-2027 yillarga mo‘ljallangan kompleks ish rejasini amalga oshirish masalalari bo‘yicha ikkinchi maslahatlashuvlar bo‘lib o‘tdi.

Foto: "Dunyo" AA

Maslahatlashuvlar davomida O‘zbekiston yadroviy infratuzilmasini rivojlantirishning ustuvor yo‘nalishlari, jumladan, normativ-huquqiy baza, xavfsizlik, kadrlar tayyorlash va ekologik jihatlarini ta’minlash masalalari muhokama qilindi.

2026 yilda amalga oshiriladigan Yadro infratuzilmasini kompleks ko‘rib chiqish missiyasi, jamoatchilik muhokamasini o‘tkazish va kichik modulli reaktorlarni rivojlantirishga alohida e’tibor qaratildi.

Xalqaro atom energiyasi agentligi vakillari O‘zbekistonning bu boradagi kompleks yondashuvini yuqori baholab, kelgusida texnik hamkorlikni davom ettirishga tayyorligini bildirdi.

#AEXA #Atom energiyasi