AQShda ona va o‘g‘il bir vaqtda universitetni tamomladi

AQSh Texas shtatida yashovchi ayol Brendi Filds bir necha muvaffaqiyatsiz urinishlardan so‘ng, nihoyat universitetni tamomlashga muvaffaq bo‘ldi. Biroq, o‘g‘li Kayl bilan birga.

Fox 4 News xabariga ko‘ra, Brendi Filds biznes boshqaruvi magistri, Kayl Filds esa san’at magistri diplomini oldi.

«O‘g‘lim bilan bu lahzani baham ko‘rishni xayolimga ham keltira olmasdim. Biz ta’lim olish uchun tunlar va qat’iy belgilangan muddatlarda bir-birimizni qo‘llab-quvvatladik. Diplom olish uchun birgalikda sahnaga chiqish oilamiz uchun ajoyib lahzadir», dedi Brendi.

Uning so‘zlariga ko‘ra, magistrlik darajasini olish yo‘li uzoq bo‘lgan, chunki u bir necha bor o‘zi xohlagan ilmiy darajaga erisha olmagan. Shunday bo‘lsa-da, o‘qishni tugatishga qaror qilgan. Ammo ayol «ko‘p yillardan keyin universitetga qaytish qiyin bo‘lganini» tan oldi.

Uning o‘g‘li Kaylning aytishicha, hozir Texas nasroniylar universiteti sport jamoasida menejer bo‘lib ishlaydi. Endi yigit bor e’tiborini sportni asosiy daromad manbaiga aylantirishga qaratgan.

«Sport har doim hayotimning muhim qismi bo‘lib kelgan. O‘qishni tugatgandan so‘ng sport sohasida ishlashni davom ettirishni rejalashtirgandim. Shunday ekan, mening katta orzum – Nike kompaniyasida ishlash», dedi bitiruvchi.