Tramp Kiyevning 30 kunlik sulh g‘oyasini qo‘llab-quvvatladi
AQSh prezidenti Ukrainada 30 kunlik o‘t ochishni to‘xtatishga chaqirdi va Rossiyaga qo‘shimcha sanksiyalar bilan tahdid qildi.

Foto: Reuters
AQSh prezidenti Donald Tramp avvalroq Ukraina yetakchisi Volodimir Zelenskiy tomonidan Kremlga taklif qilingan 30 kunlik o‘t ochishni to‘xtatish rejasini qo‘llab-quvvatlashini bildirdi. «Agar o‘t ochishni to‘xtatish kelishuvi bajarilmasa, Qo‘shma Shtatlar va uning hamkorlari qo‘shimcha sanksiyalar joriy qiladi», deb yozdi Tramp 8 may, payshanba kuni Truth Social platformasida, aftidan, Rossiyaga murojaat qilib.
«Rossiya va Ukraina o‘rtasida tinchlik o‘rnatish uchun yevropaliklar bilan ishlayman va bu doimiy tinchlik bo‘ladi! Bu o‘t ochishni to‘xtatish oxir-oqibatda tinchlik kelishuviga olib kelishi kerak», — dedi Oq uy rahbari.
7 may kuni kechqurun, Kreml tomonidan e’lon qilingan uch kunlik otashkesim kuchga kirishidan bir necha soat oldin, Ukraina prezidenti Volodimir Zelenskiy barcha harbiy harakatlarni kamida 30 kunga to‘xtatishni taklif qildi. Rossiya bu taklifga javob bermadi. Putin G‘alaba kuni munosabati bilan e’lon qilgan sulh 11 may soat 00:00 da tugaydi.
May oyi boshida Bloomberg Tramp jamoasi Rossiyaga iqtisodiy bosimni kuchaytirish uchun bir nechta variantni tayyorlab qo‘ygani haqida xabar bergan edi. Qayd etilishicha, prezident Vladimir Putin Ukrainaga qarshi urushni to‘xtatishni paysalga solmoqda.
Mavzuga oid

17:07
Putin Trampga 9 may kuni Kreml yaqinida teraktlarning oldi olingani haqida gapirdi

14:24
VsIOM: Rossiyaliklar Ukraina va AQShni o‘zlarining asosiy dushmani deb hisoblashmayapti

11:15
AQSh «ixtiyoriy deportatsiya» dasturi bo‘yicha dastlabki migrantlarni chiqarib yubordi

10:46