Mahsulotlarning yagona elektron milliy katalogi yuritiladi

Vazirlar Mahkamasi qarori bilan Mahsulotlar (tovarlar va xizmatlar) yagona elektron milliy katalogini yuritish hamda undan foydalanish tartibi to‘g‘risidagi nizom tasdiqlandi.

Hujjat quyidagilarni nazarda tutadi:

Mahsulotlar (tovarlar va xizmatlar) yagona elektron milliy katalogini yuritish hamda undan foydalanish tartibi;
Mahsulotlar (tovarlar va xizmatlar) yagona elektron milliy katalogining tarkibi hamda uni qo‘llash maqsadlari;
mahsulotlarni (tovarlarni va xizmatlarni) tasniflash hamda identifikatsiya qilish tartibi;
soliq imtiyozlariga mahsulot va xizmatlarning identifikatsiya kodlarini biriktirish.

Mahsulotlar (tovarlar va xizmatlar) yagona elektron milliy katalogi O‘zbekiston Respublikasi Soliq qo‘mitasining «Yangi texnologiyalar» ilmiy-axborot markazi» davlat unitar korxonasi tomonidan tasnif.soliq.uz rasmiy veb-sayti orqali yaratiladi va yuritiladi.

Mahsulotlar (tovarlar va xizmatlar) tavsifi, guruhi, sinfi, pozitsiyasi va subpozitsiyasidan kelib chiqib, operator tomonidan tasniflanadi.

#mahsulot #katalog