O‘zbekistonda “Bepul yuridik yordam ko‘rsatish kuni” o‘tkaziladi

Jamiyatda huquqiy tarbiya, huquqiy madaniyat, bag‘rikenglik va inson huquqlari madaniyatini yuksaltirishga qaratilgan chora-tadbirlar amalga oshirish rejalashtirilmoqda.

Inson huquqlari bo‘yicha O‘zbekistonning 2030 yilgacha bo‘lgan milliy strategiyasini amalga oshirish bo‘yicha “yo‘l xaritasi”ga ko‘ra, ta’lim tashkilotlarida O‘zbekiston Respublikasi Konstitutsiyasini tizimli o‘rganishning samarali mexanizmlarini joriy qilish ko‘zda tutilgan.

Huquq sohasidagi oliy ta’lim va malaka oshirish tashkilotlarida Inson huquqlari va xalqaro huquq kafedralari hamda yuridik klinikalari faoliyatini takomillashtirish (tashkil qilish) masalasini o‘rganish mo‘ljallanmoqda.

Mamlakat miqyosida “Bepul yuridik yordam ko‘rsatish kuni”ni o‘tkazish ham nazarda tutilyapti.

Durban deklaratsiyasi va Harakat dasturi tavsiyalarini amalga oshirish bo‘yicha axborot-ma’rifiy tadbirlar o‘tkaziladi.

#yordam #yuridik