Qoʻshimcha funksionallar
-
Tungi ko‘rinish
Ramzon Qodirovning voyaga yetmagan o‘g‘li Checheniston Xavfsizlik kengashi kotibi lavozimini egalladi
17 yoshli Adam Qodirov yangi lavozimga tayinlandi - endi u Xavfsizlik kengashi kotibi. 2024 yil iyuldan beri mazkur lavozimni Checheniston yetakchisining jiyani egallab kelayotgandi.
Foto: Kommersant’
Checheniston yetakchisining 17 yoshli o‘g‘li Adam Qodirov yana bir lavozimga tayinlandi, deb xabar beradi «Kommersant».
Endi u Checheniston Xavfsizlik kengashi kotibi lavozimida faoliyat yuritadi.
Adam Qodirov Xavfsizlik kengashida lavozimga aynan qachon tayinlangani noma’lum. 2024 yil iyuldan beri mazkur lavozimni Checheniston yetakchisining jiyani Hamzat Qodirov egallab kelayotgandi.
2023 yil noyabrda, Adam Qodirov 15 yoshligida Checheniston rahbarining xavfsizlik xizmati boshlig‘i etib tayinlangan edi. 2025 yil aprel boshlarida Ramzon Qodirovning o‘g‘li IIVning Checheniston bo‘yicha boshqarmasi kuratoriga aylangandi.
Bundan tashqari, u Vladimir Putin nomidagi Rossiya maxsus kuchlari universitetini, shuningdek, Shayx Mansur nomidagi RF Mudofaa vazirligi bataloni va Baysangur Benoyevskiy nomidagi Rosgvardiya batalonini nazorat qiladi.
2023 yil yozida Adam Qodirov tergov izolyatorida Qur’onni yoqib yuborgan Nikita Juravelni kaltaklagandi. Shundan so‘ng u bir qancha mukofotlarga sazovor bo‘ldi, xususan, Adamga Checheniston Qahramoni unvoni ham berildi.
Mavzuga oid
08:29 / 09.04.2025
Adam Qodirovga «maxsus harbiy operatsiya»dagi hissasi uchun jangovar mukofot topshirildi
20:24 / 01.04.2025
Ramzon Qodirovning voyaga yetmagan o‘g‘li Checheniston politsiyasi kuratori etib tayinlandi
18:24 / 19.03.2025
Ramzan Qodirovning bosh vazir o‘rinbosarligi lavozimidan ketgan qizi 3 mlrd rubllik kompaniya egasiga aylandi
20:30 / 10.03.2025