Noma’lum erkak Floridadagi universitetda otishma uyushtirdi. Qurbonlar bor

Florida shtati universitetida otishma yuz berdi. CNN’ga ko‘ra, gumonlanuvchi qo‘lga olingan, hodisa joyida kuch tuzilmalari vakillari, jumladan, FTB xodimlari ham ish olib bormoqda.

Otishma vaqtida ta’lim muassasasi ma’muriyati talabalarni boshpana qidirishga chaqirgan. «Eshiklarni yoping va derazalardan uzoqroq turing», — deyiladi xabarda. Tallahassee Memorial Healthcare shifoxonasi otishma oqibatida yaralanganlarni qabul qilayotganini bildirgan, ammo tafsilotlarni oshkor etmagan.

Talabalardan biri otishma to‘g‘risida xabar tarqalganidan keyin shokka tushib qolganini aytgan. «Qo‘llari ko‘tarilgan holda evakuatsiya qilinganlar orasida do‘stlarim bor», — deydi u. Universitet xodimi o‘q ovozlarini eshitgani va odamlar qochayotganini ko‘rganini ma’lum qildi.

Associated Press’ning yozishicha, otishma oqibatida besh kishi halok bo‘lgan, to‘rt kishi yaralangan. AQSh prezidenti Donald Tramp universitetdagi otishmadan xabardor ekanini bildirgan.