Qoʻshimcha funksionallar
-
Tungi ko‘rinish
O‘zbekiston va Pokiston tovar ayirboshlash hajmini 2 mlrd dollarga yetkazadi
Pokiston bosh vaziri Muhammad Shahboz Sharif kecha O‘zbekiston elchisi Alisher To‘xtayevni qabul qildi.

Foto: "Dunyo" AA
Pokiston bosh vaziri O‘zbekiston prezidenti Shavkat Mirziyoyevga o‘zining samimiy salomini yetkazishni so‘radi hamda Toshkentga amalga oshirilgan tashrif chog‘ida o‘zi va delegatsiyasiga ko‘rsatilgan mehmondo‘stlik uchun chuqur minnatdorlik bildirdi.
Hukumat rahbari, shuningdek, tashrif doirasida ikki mamlakat o‘rtasida yuksak darajadagi muvaffaqiyatlarga erishilganini, o‘zaro munosabatlar yangi bosqichga olib chiqilgani, jumladan, oliy darajadagi Strategik sheriklik kengashi tuzilgani, turli sohalarda qator muhim bitim va memorandumlar imzolanganini qayd etdi.
Bosh vazir Shahboz Sharif Toshkentdan qaytgach, tegishli soha vazirlariga oliy darajada erishilgan kelishuvlarni o‘z vaqtida ijrosini ta’minlash bo‘yicha topshiriq berganini bildirdi.
Iqtisodiy diplomatiya yo‘nalishidagi hamkorlikni jadallashtirish, savdo-iqtisodiy hamkorlikni rivojlantirishning asosiy ustuvor yo‘nalishlarini aniq belgilab olish, ikki tomonlama savdoni keskin oshirish kerakligiga e’tibor qaratildi. O‘zaro tovar ayirboshlash hajmini 2 milliard dollarga yetkazish bo‘yicha "Yo‘l xaritasi"ni ishlab chiqish zarurligi ta’kidlandi.
Sanoat kooperatsiyasi va investitsiyaviy hamkorlik masalalari ham alohida ko‘rib chiqildi. Avtomobilsozlik, tog‘-kon sanoati, axborot texnologiyalari, qayta tiklanuvchi energetika, qurilish materiallarini ishlab chiqarish, infratuzilma obektlarini birgalikda bunyod etish sohalarida qo‘shma loyihalarni amalga oshirish o‘zaro hamkorlikning yangi yo‘nalishlari sifatida ko‘rsatib o‘tildi.
Ikki davlat tadbirkorlari o‘rtasida bevosita muloqot platformasini shakllantirish, banklararo operatsiyalarni yanada soddalashtirish, muntazam asosda biznes-forumlar va hududlararo hamkorlik tadbirlarini o‘tkazishning muhimligi qayd etildi.
Transafg‘on temir yo‘li qurilishini jadallashtirish, o‘zaro aviaqatnovlar soni oshirish va parvozlar geografiyasini kengaytirish, turizm va madaniy tadbirlarni tashkillashtirish mintaqaviy bog‘liqlik tashabbusini hayotga tatbiq etishning uzviy qismlari hisoblanishiga urg‘u berildi.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08 / 10.07.2025
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Har yakshanba kunlari Toshkentdan Maldivga to‘g‘ridan to‘g‘ri reyslar
O‘zbekiston | 09:00 / 11.07.2025
-
Jigar kasalliklarini operatsiyasiz davolash usuli topildi
Fan-texnika | 12:07
-
Rossiya konserva ishlab chiqaruvchi eng yirik kompaniyani milliylashtirdi
Jahon | 11:55
-
O‘zbekistonda aholining suvdan qancha qarzi borligi aytildi
O‘zbekiston | 11:49
Mavzuga oid

10:56
O‘zbekiston va Pokiston mudofaa sanoati sohasida hamkorlik o‘rnatyapti

10:41 / 08.07.2025
O‘zbekiston Pokistonda logistika markazini tashkil etishga qiziqish bildiryapti

08:22 / 08.07.2025
O‘zbekiston va Pokiston o‘zaro savdo hajmini 2 mlrd dollarga yetkazmoqchi

15:19 / 07.07.2025