Qoʻshimcha funksionallar
-
Tungi ko‘rinish
Tramp rekord darajadagi AQSh mudofaa budjetini e’lon qildi
«Biz kuchli bo‘lishimiz kerak, chunki hozir atrofda yomon kuchlar ko‘p», dedi u.
Foto: Getty images
AQSh prezidenti Donald Tramp mudofaa uchun 1 trillion dollarlik rekord darajadagi budjetni tasdiqlashini aytdi.
«Biz mohiyatan trillion dollarga yaqin budjetni qabul qildik», dedi Tramp Isroil bosh vaziri Benyamin Netanyahu bilan uchrashuvdan keyin. Trampning aytishicha, bu «harbiylarga berilgan eng katta budjet» bo‘ladi.
«Hech kim bunday narsani ko‘rmagan. Biz armiyamizni qurishimiz kerak va biz juda tejamkormiz, lekin biz qurishimiz kerak bo‘lgan narsa armiya. Va biz kuchli bo‘lishimiz kerak, chunki hozir atrofda yomon kuchlar ko‘p», dedi u.
AQSh Mudofaa vaziri Pit Hegset ijtimoiy tarmoqdagi akkauntida shunday deb yozdi: «Rahmat, janob prezident! Tez orada: birinchi trillion dollarlik mudofaa budjeti. Prezident Tramp armiyamizni qayta qurmoqda — va tez».
Tramp trillion dollar faqat Pentagonga yoki boshqa idoralarni o‘z ichiga olgan umumiy milliy mudofaa budjetining bir qismi sifatida ajratiladimi aniqlik kiritmadi. Ammo bu raqam, Politico qayd etganidek, bu yil Kongress milliy mudofaa dasturlari, jumladan, Pentagon uchun ajratgan 892 milliard dollardan oshadi.
Mavzuga oid
18:55
Tramp va Zelenskiyning Vatikandagi 15 daqiqalik suhbati tafsilotlari ma’lum qilindi
18:45
Reytinglar qulamoqda – amerikaliklar Donald Trampning birinchi 100 kunini baholadi
18:44
«Biz endigina boshladik». Tramp prezidentligining dastlabki 100 kunidagi yutuqlari bilan maqtandi
17:35