The Korea Times: LG, Samsung va Hyundai Rossiyaga qaytish imkoniyatini o‘rganmoqda
Ma’lumotlarga ko‘ra, LG Moskva oblastida joylashgan zavodi faoliyatini qisman tiklagan.

Foto: AP
Janubiy Koreyaning Samsung, LG Electronics va Hyundai kompaniyalari Rossiya—Ukraina urushini to‘xtatish bo‘yicha o‘tkazilayotgan muzokaralar fonida RF bozoriga qaytish imkoniyatlarini ko‘rib chiqmoqda, deb yozadi The Korea Times.
Gazeta ma’lumotlariga ko‘ra, LG Moskva oblastida joylashgan zavodi faoliyatini qisman tiklagan. Rossiyaning «Rusbeys» nashri ham bir necha kun oldin o‘z manbalariga tayanib, bu haqda xabar bergandi. LG vakillarining ta’kidlashicha, ish faoliyatining qayta tiklanishi «urush boshlanganidan beri turib qolgan ishlab chiqarish quvvatlari yemirilishining oldini olish» bilan bog‘liq. Zavodga yangi yetkazib berishlar amalga oshirilmagan, u yerdagi mavjud materiallardan foydalanilgan.
LG Electronics bosh direktori Cho Ju Vanning ma’lum qilishicha, kompaniya «hali urush tugamagani uchun ehtiyotkorlik bilan harakat qilmoqda». Ammo u «vaziyatni diqqat bilan kuzatib borishayotgani, sanksiyalar yechilishi bilan ishlar qayta tiklanishi»ni qo‘shimcha qilgan.
Nashrning qayd etishicha, Hyundai ham Rossiyaga qaytish imkoniyatini o‘rganib chiqmoqda. Hyundai Motor Group rasmiy vakilining ma’lum qilishicha, «qaror hali qabul qilinmagan, kompaniya vaziyat rivojini kuzatmoqda».
Samsungʼning Rossiya bozoriga qaytish imkoniyatiga oid tafsilotlarni esa nashr keltirmagan.
Mart o‘rtalarida The Bell nashri Rossiya—Ukraina urushi boshlanganidan keyin RFdan chiqib ketgan G‘arb kompaniyalari o‘rtasida so‘rovnoma o‘tkazib, ularning ushbu bozorga qaytishi bilan qiziqqan edi. Jurnalistlar 60 dan ortiq xorij kompaniyasiga so‘rov yuborgan. Ularning 21 tasi javob qaytargan bo‘lib, hech biri Rossiyaga qaytish rejasini tasdiqlamagan.
Tavsiya etamiz
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
So‘nggi yangiliklar
-
Tramp noqonuniy migrantlarga ikki sohada ishlashga ruxsat berishni taklif qildi
Jahon | 22:28
-
«Samarqand qog‘ozi» geografik ko‘rsatkich sifatida davlat ro‘yxatidan o‘tkazildi
Jahon | 22:00
-
Ozarboyjon Rossiya bilan ziddiyat kuchayishini istamaydi – Erdo‘g‘an
Jahon | 21:41
-
Qidiruv-qutqaruv operatsiyalari uchun kiborg-qo‘ng‘iz yaratildi
Fan-texnika | 20:08
Mavzuga oid

16:46
Janubiy Koreya hukumati aholiga 110 dollardan tarqatadi

23:11 / 04.07.2025
«Shaytonarava» ishqi: kasallikmi yoki ijtimoiy muammo?

19:21 / 04.07.2025
Polsha Janubiy Koreyadan 180 ta tank sotib oladi

21:00 / 01.07.2025