Snapdragon chiplari o‘rnatilgan Windows noutbuklari egalari ularni ommaviy ravishda qaytarmoqda 

Xaridorlar ko‘pincha Snapdragon X ARM chipiga asoslangan Windows noutbuklarini qaytarib berishmoqda, deb xabar bermoqda TechPowerUp Amazonʼga tayanib.

Xaridorlar ko‘pincha Snapdragon X ARM-chipiga asoslangan Windows noutbuklarini qaytarib berishmoqda, deb xabar bermoqda TechPowerUp Amazonʼga tayanib. 

Microsoft Surface Laptop 7 noutbuki Amazonʼda «Tez-tez qaytariladigan mahsulot» sifatida belgilandi, bu esa ushbu turkumda qaytarishlar foizi yuqoriligini ko‘rsatadi. 360 ta sharhga asoslangan o‘rtacha 5 balldan 4,2 ballga qaramay, foydalanuvchilarning taxminan 12 foizi qurilmaga minimal ball berdi.

Qaytarishlarning sabablaridan biri yaqinda Intel Core Ultra protsessorli Surface Laptop 7'ning chiqarilishi bo‘lishi mumkin, bu esa ba’zi xaridorlarni tanish x86-arxitekturasini tanlashga undayapti.

Ko‘plab foydalanuvchilar x86 protsessorli qurilmalarda mavjud bo‘lgan tanish o‘yinlar va ilovalarning ARM arxitekturasi uchun optimallashtirish yo‘qligidan norozi.

Qayd etilishicha, Snapdragon X noutbuklari sotuvi 2024 yilning uchinchi choragida 180 foizga o‘sgan, biroq ularning Windows qurilmalari orasidagi ulushi oddiyligicha qolmoqda – 1,5 foizdan kam. Canalys ma’lumotlariga ko‘ra, Qualcomm taxminan 720 000 dona qurilmani sotgan, bu chorakdagi umumiy shaxsiy kompyuterlar sotuvining atigi 0,8 foizini tashkil etadi.