Qoʻshimcha funksionallar
-
Tungi ko‘rinish
O‘zbekiston va Afg‘oniston chegarasidagi orolchalarda qamishzorlarni rejali tartibda yoqish boshlandi
Amudaryo ichkarisida joylashgan kichik orolchalardagi qamishzorlar rejali tartibda yoqilmoqda. Surxondaryo hokimligi fuqarolarni ortiqcha vahimaga berilmaslikka chaqirdi.
Foto: Ijtimoiy tarmoqlar
O‘zbekiston va Afg‘oniston davlatlari chegarasidagi neytral hududda, Amudaryo ichkarisida joylashgan kichik orolchalarda qamishzorlarni rejali tartibda yoqish ishlari amalga oshirilmoqda. Bu haqda Surxondaryo viloyati hokimligi xabar berdi.
Qayd etilishicha, mazkur tadbir zararli hasharotlar ko‘payishi va yuqumli kasalliklar tarqalishining oldini olish maqsadida mutasaddi idoralarning ruxsati va mas’ul organlarning o‘zaro kelishuvi asosida olib borilmoqda. Yong‘in harakatlari va ularning ko‘lami to‘liq nazorat qilinmoqda.
«Ushbu tadbir belgilangan rejaga muvofiq va xavfsizlik choralariga rioya etgan holda amalga oshirilayotganini ma’lum qilamiz», — deyiladi xabarda.
Viloyat hokimligi fuqarolardan vaziyat bo‘yicha ortiqcha vahimaga berilmaslikni, ijtimoiy tarmoq foydalanuvchilaridan esa aholi o‘rtasida vahima keltirib chiqaruvchi asoslanmagan axborot tarqatmaslikni so‘radi.
Mavzuga oid
21:42 / 18.03.2025
Latviya Rossiya va Belarus chegarasidagi uchta nazorat-o‘tkazish punktini piyodalar uchun yopdi
20:52 / 14.03.2025
Afg‘onistondagi Qo‘shtepa kanali qurilishi USAID tomonidan moliyalashtirilgan – OAV
18:01 / 12.03.2025
Tojikiston va Qirg‘iziston o‘rtasidagi chegara ochiladi
23:00 / 10.03.2025