Xitoy urushdan keyin Ukrainani tiklashga yordam berishga tayyorligini ma’lum qildi
Xitoy allaqachon Ukrainaga to‘rtta gumanitar yordamni yetkazib bergan va buni davom ettirishi mumkin.

Foto: Reuters
Xitoy Ukrainaga urushdan keyingi mamlakatni qayta tiklashda yordam berishga, shuningdek, boshqa yordam ko‘rsatishni davom ettirishga tayyor. Bu haqda Xalqaro hamkorlik agentligi vakili Li Min bayonot berdi.
«Biz manfaatdor tomonlarning xohish-istaklariga muvofiq o‘z imkoniyatlarimiz doirasida yordam ko‘rsatishni davom ettirishga tayyormiz, bu, albatta, urushdan keyingi rekonstruksiyani ham o‘z ichiga oladi», deb uning so‘zlarini keltirdi China Daily.
Uning so‘zlariga ko‘ra, Xitoy allaqachon Ukrainaga to‘rtta gumanitar yordamni yetkazib bergan. Li Min shuningdek, Pekin «dunyo tinchligi va barqarorligi uchun ijobiy kuch va global adolat uchun ilg‘or kuch» bo‘lib qolishda davom etishini aytdi.
Xitoy Rossiya bilan Ukraina urushida rasman hech bir taraf yonini olmadi. Rasmiy Pekin Rossiyaning Ukrainaga qarshi keng ko‘lamli urushini «Ukraina inqirozi» deb atashda davom etmoqda.
Saudiya Arabistonidagi AQSh-Ukraina muzokaralari arafasida Xitoy Tashqi ishlar vazirligi matbuot kotibi Mao Ning Pekin Rossiyaning Ukrainaga qarshi urushini siyosiy jihatdan tartibga solish uchun xalqaro hamjamiyat bilan ishlashga tayyorligini aytgan edi.
Mavzuga oid

23:07 / 18.03.2025
Putin Ukraina energetika obektlariga 30 kun zarba bermaslikni qo‘llab-quvvatladi va «harbiylarga tegishli buyruq berdi»

21:42 / 18.03.2025
Latviya Rossiya va Belarus chegarasidagi uchta nazorat-o‘tkazish punktini piyodalar uchun yopdi

21:40 / 18.03.2025
Xitoyda tug‘ilish darajasini oshirish maqsadida oilalarga katta miqdorda pul mukofotlari taklif qilinmoqda

20:53 / 18.03.2025