O‘zbekiston va Finlandiya hukumatlararo komissiyasining navbatdagi yig‘ilishi bo‘lib o‘tadi

Mamlakat elchixonasi ko‘magida (qarorgohi Riga shahrida joylashgan) O‘zbekiston Investitsiyalar, sanoat va savdo vazirligi hamda Finlandiya Tashqi ishlar vazirligi mutasaddilari o‘rtasida onlayn uchrashuv tashkil etildi.

Muloqot davomida ikki davlat o‘rtasidagi savdo-iqtisodiy va investitsiyaviy aloqalarni yanada mustahkamlash, hamda shu yil mart oyi Helsinkida bo‘lib o‘tishi rejalashtirilgan Iqtisodiy hamkorlik bo‘yicha O‘zbekiston-Finlandiya hukumatlararo komissiyasining navbatdagi yig‘ilishi va uning doirasidagi biznes-forumga puxta tayyorgarlik ko‘rish masalalari muhokama qilindi.

Ikki tomonlama aloqalarni yanada faollashtirishga qaratilgan investitsiyaviy kelishuvlar va eksport shartnomalarini imzolashga alohida e’tibor qaratildi.

Uchrashuv yakunida O‘zbekiston Investitsiyalar, sanoat va savdo vaziri boshchiligida delegatsiyaning Finlandiya poytaxtiga tashrifini amalga oshirish to‘g‘risida kelishildi.

#komissiya #Finlandiya