Samarqanddan uchgan samolyot dvigatelidagi nosozlik tufayli aeroportga qaytdi

12 mart kuni Utair (Rossiya) aviakompaniyasining Samarqanddan Moskvaga (UT-810) uchgan Boeing 737 samolyoti dvigatelida yuz bergan nosozlik tufayli aeroportga qaytishga majbur bo‘ldi.

Qayd qilinishicha, samolyot balandlikka ko‘tarilayotganda chap dvigatelida pompaj yuz bergan, vaholanki, priborlarda uning parametrlari normal bo‘lgan.

Ekipaj dispetcherlardan kutish zonasini so‘ragan. Biroq, uchuvchilar dvigatelning quvvatini oshirishga harakat qilgan, ammo yana bir pompaj sodir bo‘lgan. Shundan so‘ng, kema komandiri Samarqandga qaytishga qaror qilgan.

Samolyot kutish zonasida bir nechta aylanma parvozni amalga oshirgach, qo‘nish og‘irligi me’yordan yuqori bo‘lsa-da, Samarqand aeroportiga xavfsiz qo‘ngan. Parvoz ma’lumotlarini tahlil qilish natijalariga ko‘ra, chap dvigatelning ish parametrlarida ruxsat etilgan qiymatlardan tashqari hech qanday og‘ishlar aniqlanmagan. Ayni paytda mutaxassislar nosozlik sabablarini izlash va bartaraf etishga kirishgani ta’kidlanmoqda. «Rosaviatsiya» hodisa yuzasidan tekshiruv boshlagan.