Toshkentdagi savdo majmualarining birida yong‘in sodir bo‘ldi

Matbuotchilar ko‘chasida joylashgan savdo majmuasida yong‘in qayd etilgan. Yong‘in-qutqaruv ekipajlari aytilgan manzilga soat 01:24 da yetib borib, yong‘in soat 01:35 da o‘chirilgan.

Foto: FVB

10 mart kuni soat 01:20 da Toshkent shahar Yunusobod tumani, Matbuotchilar ko‘chasida joylashgan savdo majmualarining birida yong‘in sodir bo‘layotgani to‘g‘risida Toshkent shahar FVBga xabar tushgan.

Shunga ko‘ra, yong‘in-qutqaruv ekipajlari aytilgan manzilga soat 01:24 da yetib borib, yong‘in soat 01:35 da o‘chirilgan.

Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar aniqlanmoqda.

"Hurmatli fuqarolar, Toshkent shahar Favqulodda vaziyatlar boshqarmasi sizlardan yong‘in xavfsizligi qoidalariga qat’iy rioya qilishingizni so‘rab qoladi", deyiladi poytaxt FVB xabarida.

#yong‘in #Matbuotchilar ko‘chasi