WP: Pentagon rahbari mudofaa budjetini har yili 8 foizga qisqartirishni buyurdi
Pentagonning 2025 yilga mo‘ljallangan budjeti 850 milliard dollarni tashkil etadi. Iqtisod qilingan mablag‘lar Tramp ma’muriyatining yangi ustuvor maqsadlariga, jumladan, «Amerika uchun temir gumbaz»ga yo‘naltiriladi.

Pit Xegset Foto: Kent Nishimura/For The Washington Post
AQSh mudofaa vaziri Pit Xegset Pentagon va mamlakat armiyasining yuqori rahbariyatiga keyingi besh yilda mudofaa xarajatlarini har yili 8 foizdan qisqartirish bo‘yicha reja ishlab chiqishni buyurdi. Bu haqda The Washington Post tegishli hujjat va vaziyatdan xabardor manbalariga tayanib xabar berdi.
Reja 24 fevralga qadar tayyor bo‘lishi kerak. Xegset tomonidan imzolangan hujjatda Tramp ma’muriyati qisqartirishni istayotgan 17 ta yo‘nalish ko‘rsatilgan. Ular orasida — AQShning janubiy chegaralaridagi operatsiya, yadroviy va raketalarga qarshi mudofaa qurollari modernizatsiyasi, shuningdek, suvosti kemalari, dronlar va boshqa o‘q-dorilar xaridlari mavjud.
WP’ning eslatishicha, Pentagonning 2025 yilga mo‘ljallangan budjeti 850 milliard dollarni tashkil etadi.
Harbiy idoraning yuqori martabali amaldori Robert Salessesning so‘zlariga ko‘ra, iqtisod qilingan mablag‘lar ma’muriyatning yangi ustuvor maqsadlariga, jumladan, «Amerika uchun temir gumbaz»ga yo‘naltiriladi. Gap AQSh prezidenti Donald Tramp avvalroq ma’lum qilgan raketalarga qarshi kengaytirilgan mudofaa tizimi haqida ketmoqda.
Gazetaning yozishicha, Tramp farmoniga muvofiq Pentagon sinov muddatidagi ming nafar xodimi ro‘yxatini tuzishi lozim va ular joriy haftada ishdan bo‘shatilishi kutilmoqda.
«Birgalikda bu ikki chora 900 mingdan ortiq xodim, jumladan, aksariyati urush faxriylari bo‘lgan dunyodagi eng yirik agentlikka dahshatli hujumdir. Mudofaa vazirligida sinov muddati lavozimdan kelib chiqib bir yildan uch yilgacha davom etishi va unda bir lavozimdan boshqasiga o‘tayotgan xodimlar ham bo‘lishi mumkin», — deyiladi xabarda.
Fevral oyida Donald Tramp Ukraina va G‘azo sektoridagi urush tugashi bilan Rossiya hamda Xitoy bilan mudofaa xarajatlarini qisqartirish bo‘yicha muzokaralar o‘tkazish niyatida ekanini ma’lum qilgandi. Shuningdek, u Rossiya va Xitoy bilan yadroviy qurollar sonini kamaytirish mavzusidagi muzokaralarni ham qayta tiklamoqchi.
Tavsiya etamiz
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
So‘nggi yangiliklar
-
Texasda kutilmagan suv toshqinlari oqibatida ko‘plab odamlar halok bo‘ldi
Jahon | 17:44
-
Buyuk Britaniyada koronavirusning yangi shtammi tarqaldi
Jahon | 17:18
-
“Golden cash” ishi: “ko‘rinmas odam” o‘zbekistonliklarni qanday chuv tushirgandi?
O‘zbekiston | 17:00
-
Janubiy Koreya hukumati aholiga 110 dollardan tarqatadi
Jahon | 16:46
Mavzuga oid

21:52 / 04.07.2025
Boeing 2,8 mlrd dollar evaziga Pentagonga ikkita sun’iy yo‘ldosh yetkazib beradi

14:55 / 03.07.2025
London va Berlin o‘zaro mudofaa shartnomasini imzolaydi

23:22 / 30.06.2025
Polsha snaryad ishlab chiqarishni 5 baravarga oshiradi

14:18 / 27.06.2025