Ikkilamchi avtomobil bozorida yanvarda pasayish davom etdi

Yanvar oyida mahalliy ommabop avtomobillar narxi 2024 yilning dekabr oyidagiga nisbatan arzonlashdi.

Xususan:

• Onix: kam foydalanilgan - 2,4 foizga (14 350 dollardan 14 ming dollarga), ko‘p foydalanilgan - 1,5 foizga (13 ming dollardan 12 800 dollarga); 
• Lacetti: kam foydalanilgan - 0,7 foizga (15 ming dollardan 14 900 dollarga), o‘rtacha foydalanilgan - 1,4 foizga (14 500 dollardan 14 300 dollarga), ko‘p foydalanilgan - 1,7 foizga (13 327 dollardan 13 095 dollarga); 
• Cobalt: kam foydalanilgan - 1,4 foizga (12 901 dollardan 12 725 dollarga), o‘rtacha foydalanilgan - 2,4 foizga (12 300 dollardan 12 ming dollarga), ko‘p foydalanilgan - 1,7 foizga (11 700 dollardan 11 500 dollarga); 
• Nexia: o‘rtacha foydalanilgan - 1,8 foizga (11 400 dollardan 11 200 dollarga); ko‘p foydalanilgan - (10 500 dollardan 10 465 dollarga);
• Spark: o‘rtacha foydalanilgan - 1 foizga (10 300 dollardan 10 200 dollarga), ko‘p foydalanilgan - 1,1 foizga (9 300 dollardan 9 200 dollarga); 
• Damas: kam foydalanilgan - 0,5 foizga (8 135 dollardan 8 098 dollarga), o‘rtacha foydalanilgan - 1,4 foizga (8 ming dollardan 7 886 dollarga), ko‘p foydalanilgan - 4,1 foizga (7 300 dollardan 7 ming dollarga) arzonlashgan.

Kam foydalanilgan Equinox va Malibu avtomobillarining o‘rtacha narxlarida oshish kuzatilgan bo‘lsa-da, o‘rtacha va ko‘p foydalanilganlari uchun narxlar arzonlashishda davom etdi.

Xususan:

• Malibu: o‘rtacha foydalanilgan - 2,1 foizga (29 100 dollardan 28 500 dollarga), ko‘p foydalanilgan - 1,6 foizga (25 ming dollardan 24 600 dollarga) arzonlagan bo‘lsa, kam foydalanilgan uchun o‘rtacha narx 1,2 foizga (29 650 dollardan 30 ming dollarga) oshdi;
• Equinox: o‘rtacha foydalanilgan - 1,6 foizga (30 500 dollardan 30 ming dollarga) arzonlab, ko‘p foydalanilgani uchun o‘rtacha narx (26 500 dollar) o‘zgarishsiz qolgan bo‘lsa, kam foydalanilgani 0,9 foizga (34 ming dollardan 34 308 dollarga) oshgan;
• Tracker: kam foydalanilgan - 1,6 foizga (18 700 dollardan 18 403 dollarga), o‘rtacha foydalanilgan - 2,3 foizga (17 700 dollardan 17 300 dollarga), ko‘p foydalanilgan - 2,9 foizga (17 ming dollardan 16 500 dollarga) arzonlashgan. 

Mazkur davrda ko‘p foydalanilgan BYD E2: (15 250 dollar) va Yuan Up (20 ming dollar) elektromobillari narxi o‘zgarmagan bo‘lsa, boshqa elektromobillar o‘rtacha narxlarida arzonlash kuzatildi:

• BYD E2: yangi - 1,8 foizga (17 100 dollardan 16 800 dollarga), o‘rtacha foydalanilgan - 2,9 foizga (15 970 dollardan 15 500 dollarga);
• BYD Han: yangi - 0,9 foizga (32 500 dollardan 32 200 dollarga), ko‘p foydalanilgan - 2,9 foizga (31 750 dollardan 31 250 dollarga);
• BYD Song Plus DM-i Champion: yangi - 0,3 foizga (29 100 dollardan 29 ming dollarga), o‘rtacha foydalanilgan - 1,1 foizga (27 200 dollardan 26 900 dollarga), ko‘p foydalanilgan - 2,8 foizga (24 999 dollardan 24 300 dollarga);
• BYD Song Plus EV Champion: yangi - 1,4 foizga (28 500 dollardan 28 090 dollarga), o‘rtacha foydalanilgan - 3,6 foizga (26 600 dollardan 25 650 dollarga), ko‘p foydalanilgan - 2,9 foizga (24 050 dollardan 23 350 dollarga).

Xorijiy avtomobillar narxi:

• Elantra: o‘rtacha foydalanilgan - 2,3 foizga (21 500 dollardan 21 ming dollarga); ko‘p foydalanilgan - 4,8 foizga (21 ming dollardan 19 995 dollarga);
• Tucson: kam foydalanilgan - 1,5 foizga (33 500 dollardan 33 ming dollarga), o‘rtacha foydalanilgan - 0,8 foizga (31 750 dollardan 31 500 dollarga); ko‘p foydalanilgan - 2 foizga (25 500 dollardan 25 ming dollarga);
• Sportage: kam foydalanilgan - 1,4 foizga (29 ming dollardan 28 600 dollarga), o‘rtacha foydalanilgan - 1,8 foizga (27 500 dollardan 27 ming dollarga); 
• Seltos: ko‘p foydalanilgan - 2,1 foizga (23 500 dollardan 23 ming dollarga) arzonlagan.