Los-Anjyeles yaqinida yangi yong‘in boshlandi. O‘n minglab mahalliy aholi evakuatsiya qilindi
«Hyuz» nomini olgan yong‘in Los-Anjyeles shahridan 80 km shimolda joylashgan Kastaik ko‘li hududida boshlangan. Uni o‘chirishga salkam 4 ming o‘t o‘chiruvchi jalb etilgan.

Foto: Reuters
Kaliforniyaning Los-Anjyeles okrugida yangi yong‘in yuzaga keldi va bir necha soat ichida 38 kilometr kvadrat maydonni egalladi, deb xabar beradi Reuters.
«Hyuz» yong‘ini 22 yanvar kuni mahalliy vaqt bilan soat 11:00 da Los-Anjyeles shahridan 80 kilometr shimolda joylashgan Kastaik ko‘li hududida boshlangan. CNN’ning ma’lum qilishicha, yong‘in yuzaga kelgan hududda asosan butalar o‘sadi va yaylov joy hisoblanadi, bir qismini esa o‘rmonlar egallagan.
Hukumat Kastaik ko‘li atrofida yashovchi aholini yong‘in ularning hayotiga xavf tug‘dirishi mumkinligidan ogohlantirgan. 31 mingga yaqin odam majburiy evakuatsiya buyrug‘ini olgan, shuningdek, yana 23 ming kishi boshqa joyga ko‘chirilishi mumkin. Los-Anjyeles okrug sherigi Robert Lunaning aytishicha, yong‘in tufayli Kastaik okrug qamoqxonasidagi mahbuslar qisman evakuatsiya qilingan.
Los-Anjyeles okrugi o‘t o‘chirish xizmati boshlig‘i Entoni Marronening ma’lum qilishicha, «Hyuz» yong‘ini hali to‘xtatilmagan. Uni o‘chirishga salkam 4 ming o‘t o‘chiruvchi jalb etilgan. Marronening so‘zlariga ko‘ra, yong‘in hozircha birorta inshootga zarar yetkazmagan.
Los-Anjyeles okrugida yong‘inlar qurg‘oqchil ob-havo fonida 7 yanvar kuni boshlangan edi. 22 yanvarga kelib, o‘t o‘chiruvchilar ikkita yirik yong‘in o‘chog‘ini nazoratga olgan: 57 kilometr kvardatni egallagan «Iton» va 95 kilometr kvadratni yakson qilgan «Paliseyds».
Yong‘inlar oqibatida hozirga qadar 28 kishi halok bo‘lgan, 16 mingga yaqin inshoot yonib ketgan yoki shikastlangan, 180 ming kishi evakuatsiya qilingan. Yong‘inlar yetkazgan zarar 250 milliard dollarga baholanmoqda.
Tavsiya etamiz
O‘zbekiston Mobiuz kompaniyasini xalqaro sotuvga qo‘ydi
O‘zbekiston | 23:10 / 09.06.2025
Shveytsariyadagi qishloqqa ko‘chib kelgan sayyohlarga 24 ming dollardan pul to‘lanadi
Jahon | 01:36 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
So‘nggi yangiliklar
-
Rossiya dumasi yagona davlat messenjerini yaratish to‘g‘risidagi qonunni ma’qulladi
Jahon | 14:16
-
1,3 mlrd so‘mlik gazdan noqonuniy foydalangan ovqatlanish maskani aniqlandi
Jamiyat | 14:00
-
Beshta davlat ikki isroillik vazirga qarshi sanksiyalar kiritdi
Jahon | 13:43
-
O‘zbekistonda iyun oxiridan ichki aviaqatnovlar soni ko‘payadi
O‘zbekiston | 13:35
Mavzuga oid

11:39
Los-Anjyelesning bir qismida tartibsizliklar tufayli komendantlik soati joriy etildi

22:34 / 10.06.2025
Los-Anjyelesdagi tartibsizliklar: xalqni qo‘zg‘atgan mish-mishlar, Trampning o‘jarligi va hozir nima bo‘layotgani haqida

13:58 / 10.06.2025
Tramp norozilik namoyishlari tufayli Los-Anjyelesga qo‘shinlarni kiritishga chaqirdi

13:46 / 10.06.2025