Toshkentda 25,5 gektar yer uchastkasi 40,4 mln dollarga sotildi
Toshkent shahri Mirzo Ulug‘bek tumani Alisherobod mahallasidagi 25,5 gektar yer uchastkasi elektron auksionda 522,7 mlrd so‘mga sotildi. Xaridor “Valid Trading” kompaniyasi. Elektron savdoda 2 ta talabgor ishtirok etib, ularning bir nafari tomonidan narx taklifi berilgan.

Toshkent shahri Mirzo Ulug‘bek tumani Alisherobod mahallasi hududidagi 25,52 gektar yer uchastkasi kimoshdi savdosi orqali sotildi.
E-auksion platformasida joylashtirilgan ma’lumotga ko‘ra, elektron savdoda 2 ta talabgor ishtirok etib, ularning bir nafari tomonidan narx taklifi kiritilgan. Natijada “Valid Trading” kompaniyasining 522,7 milliard so‘mlik yagona taklifi g‘olib deb topilgan.
Mirzo Ulug‘bek tumani hokimining 2024 yil 17 dekabrdagi qarorida yer uchastkasidan savdo va maishiy xizmat ko‘rsatish, ofis, mehmonxona, umumiy ovqatlanish xizmatlari, o‘rta qavatli turar joy binolarini tashkil qilish uchun foydalanish ko‘zda tutilgan.
Yer uchastkasi xaridorga 49 yilga ijaraga beriladi. Agar “Valid Trading” kompaniyasi 15 kun ichida to‘liq to‘lovni amalga oshirsa, 20 foiz chegirmaga ega bo‘ladi. Eng kamida 35 foiz dastlabki to‘lov bilan uch yil davomida bo‘lib-bo‘lib to‘lashga ham xarid qilish imkoniyati bor. Lot hujjatlarida yer uchastkasi hududidagi daraxtlar, butalar va boshqa o‘simliklarni noqonuniy kesish, ildizi bilan sug‘orish, shikastlash, yo‘q qilish yoki qayta ekish taqiqlangani ko‘rsatilgan.
Korxona va tashkilotlarning yagona davlat reyestriga ko‘ra, xaridor “Valid Trading” 2019 yil 8 fevralda Toshkent viloyatida ro‘yxatga olingan. Joriy ustav fondi – 1,04 mlrd so‘m. Faoliyat yo‘nalishi – ixtisoslashmagan ulgurji savdo.
Kompaniyaning 100 foiz ulushi Abduvaliyev Voris Boriy o‘g‘liga tegishli.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
Damashqdagi cherkovda terakt sodir etildi. 20 kishi halok bo‘ldi
Jahon | 01:21
-
Organizmdagi «qariyotgan» hujayralarni aniqlashning yangi usuli ishlab chiqildi
Fan-texnika | 00:30
-
Yakson qilinmagan, lekin jiddiy zarar - Pentagon Eronga qarshi operatsiya tafsilotlarini ochiqladi
Jahon | 22:44 / 22.06.2025
-
Milliarder Maykl Linchning cho‘kib ketgan superyaxtasi suv tubidan olib chiqildi
Jahon | 22:35 / 22.06.2025
Mavzuga oid

08:03 / 22.06.2025
Katta AES bitimi, Farg‘onadagi “maska-shou” va qulayotgan dollar - hafta dayjesti

17:43 / 21.06.2025
Toshkentda bosh rejaga zid uchta yirik loyiha taqdim etildi

21:02 / 19.06.2025
11 yoshli qizni muntazam zo‘rlab kelgan pedofil uzoq muddatga qamaldi

18:13 / 19.06.2025