Qoʻshimcha funksionallar
-
Tungi ko‘rinish
Kursk oblasti sobiq rahbari RF harbiylari talonchilik qilganini tan oldi
Rossiya askarlari Kursk oblastidagi uylarni talon-toroj qilishgan, deya tasdiqladi Rossiya transport vaziri Starovoyt Glushkovo rayoni aholisi bilan uchrashuvda. Avvalroq TASS Ukraina askarlari Glushkovoda talon-toroj qilishayotganini da’vo qilgan edi.

Foto: AP Photo/picture alliance
Yaqin vaqtgacha Kursk oblasti gubernatori lavozimida ishlab kelgan Rossiya transport vaziri Roman Starovoyt bu hududda rossiyalik harbiylar tomonidan talon-toroj qilish holatlari qayd etilganini tasdiqladi. «Tinch aholi va harbiy xizmatchilar orasida talonchilik faktlari bor», dedi Starovoyt Glushkovo rayoni aholisi bilan uchrashuvda, uning videosi 14 noyabr, payshanba kuni «Kursk seychas» Telegram-kanalida e’lon qilingan.
Starovoyt ma’lumotlariga ko‘ra, Glushkovo rayonidagi qishloqlarda davom etayotgan janglar paytida aholi tashlab ketgan uylarni talon-toroj etish holatlari bir kun avval huquq-tartibot idoralari bilan uchrashuvda muhokama qilingan. Bu so‘zlardan so‘ng zalda qarsaklar yangradi.
2024 yil may oyida Rossiya Federatsiyasi transport vaziri lavozimiga tayinlangan Roman Starovoyt, shuningdek, yetkazib berish xizmatlari orqali o‘ljalarni Rossiyaning boshqa hududlariga tashish faktlari haqida xabar berdi. Huquq-tartibot idoralariga Kursk oblasti aholi punktlarida xavfsizlikni kuchaytirish vazifasi allaqachon yuklangan, deya qo‘shimcha qildi u.
Gubernator aholiga kompensatsiya va’da qildi
Janglardan jabrlangan chegara hududlari aholisi bilan uchrashuv haqida Kursk oblasti amaldagi gubernatori Aleksey Smirnov ham Telegram-kanalida xabar berdi, u rossiyalik harbiylarning talonchiligi haqida gapirmadi. Uning so‘zlariga ko‘ra, tadbirda «shaxsiy transport va qurilish texnikasi uchun to‘lovlar bo‘yicha masalalar» muhokama qilindi. U yo‘qolgan mashinalar uchun tovon puli to‘lashga va’da berdi va uyidan ayrilgan fuqarolarga uy-joy guvohnomasi berilishini ma’lum qildi.
Avvalroq TASS davlat agentligi Ukraina Qurolli kuchlari askarlari Glushkovoda talon-toroj qilishayotgani haqida xabar bergan edi. O‘z navbatida, rus «harbiy muxbirlari» bu qishloq hech qachon Ukraina armiyasi nazorati ostida bo‘lmaganini yozishdi.
«Agenstvo» nashri ham Kursk oblastida rossiyalik harbiylar tomonidan talon-toroj qilish holatlari haqida yozgan.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Xususiy universitetlarga sirtqi ta’limga kirishning aylanma yo‘li paydo bo‘ldi
O‘zbekiston | 21:19
-
Rossiyada sovet qurollari zaxirasi tugab bormoqda
Jahon | 21:19
-
Angren voqeasi: pedofiliya qurboni bo‘lgan o‘smir qiz qonun himoyachilariga yana ko‘zgu tutdi
Jamiyat | 20:44
-
O‘zbekistonda avgust oyida qanday ob-havo bo‘lishi kutilmoqda?
O‘zbekiston | 20:40
Mavzuga oid

22:00 / 08.07.2025
Roman Starovoyt – urushning kursidagi qurboni

21:16 / 08.07.2025
Starovoyt o‘zini o‘ldirishi Kurskda mudofaa inshootlari qurilishidagi o‘g‘irliklar bilan bog‘lanmoqda. Bu haqda nimalar ma’lum?

18:31 / 07.07.2025
Putin transport vaziri lavozimidan bo‘shatgan Starovoyt o‘zini otib o‘ldirdi

14:12 / 14.06.2025