Ukraina Kim Chen Inni hibsga olish orderi bo‘yicha XJSga murojaat qiladi
Tegishli qaror KXDR askarlari Ukrainaga qarshi jangda Rossiya harbiylari safiga qo‘shilganidan keyin qabul qilinadi.

Foto: KCNA
Ukraina prezidenti Volodimir Zelenskiy KXDR rahbari Kim Chen Inni hibsga olish orderi bo‘yicha Xalqaro jinoiy sudga (XJS) murojaat qilishi mumkinligini ta’kidladi. Bu haqda u Janubiy Koreyaning KBS telekanaliga bergan intervyusida aytib o‘tdi.
Xususan, davlat rahbariga Rossiyaning Ukrainaga qarshi urushida sherik bo‘lgan Kim Chen Inni hibsga olish uchun order berish talabi bilan Xalqaro jinoiy sudga murojaat qilish imkoniyatini ko‘rib chiqilyaptimi, degan savol berildi.
«KXDR armiyasi Ukraina fuqarolariga qarshi harbiy harakatlarda ishtirok etganidan keyin qaror qabul qilamiz. Ammo agar Janubiy Koreya bizning yo‘limizni qo‘llab-quvvatlasa, menimcha, ittifoqchilarimiz bilan birgalikda tegishli choralarni ko‘rishga tayyormiz», dedi Zelenskiy.
Avvalroq Zelenskiy Rossiyadagi KXDR qo‘shinlariga dunyoning e’tiborsiz munosabati haqida ma’lum qilgandi. Uning so‘zlariga ko‘ra, ba’zi G‘arb ittifoqchilari hamon hodisaga «shubha bilan qaramoqda».
Zelenskiy, shuningdek, Ukraina asirga olingan KXDR askarlarini ukrainalik asirlarga almashtirishi mumkinligini aytdi.
Mavzuga oid

19:32 / 24.05.2025
Rossiya va Ukraina 307 nafar harbiy asirni almashtirdi

14:39 / 24.05.2025
Lavrov: Rossiya Vatikanda Ukraina bilan muzokara olib bormaydi

13:12 / 24.05.2025
OAV Ukrainada 109 mingdan ortiq rossiyalik harbiy halok bo‘lganini tasdiqladi

23:03 / 23.05.2025