Qoʻshimcha funksionallar
-
Tungi ko‘rinish
Gazlashmagan hovlilar uchun ham elektr energiyasiga 50 foizlik chegirma berilishi mumkin
Gazlashmagan hovlili xonadonlarga ham elektr energiyasiga 50 foiz chegirma berilishi rejalashtirilyapti. Energetika vaziri Jo‘rabek Mirzamahmudovning ma’lum qilishicha, yangi tartib 1 yanvardan joriy qilinishi mumkin.

Foto: Kun.uz
Energetika vaziri Jo‘rabek Mirzamahmudovga ko‘ra, gazlashtirilmagan hovlilar uchun ham elektroenergiya tariflariga 50 foizlik chegirma berilishi rejalashtirilyapti. U bu haqda «Lolazor» podkastida aytib o‘tdi.
«Oldin generatsiya quvvatlarimiz yetarli bo‘lmagan. Hozir yetarli. Ayni paytda ko‘p qavatli uylar uchun [gazlashtirilmagan] elektr energiyasiga 50 foiz chegirma amal qiladi. Biz gazlashmagan hovlili xonadonlarga nisbatan ham buni qo‘llash bo‘yicha topshiriq olganmiz. Chegirma ularga ham 50 foiz bo‘ladi. Bu bo‘yicha tegishli vazirliklar bilan ishlayapmiz. Shuningdek, sanoat korxonalariga ham yuklamaga qarab oshiruvchi va kamaytiruvchi koeffitsiyentlar qo‘llash rejalashtirilyapti», — dedi energetika vaziri.
Mirzamahmudovning qo‘shimcha qilishicha, elektromobillarni kunning ma’lum vaqtida zaryadlash bo‘yicha ham rejalar ishlab chiqilyapti. Bu ham energiya tizimining balanslashida muhim ahamiyatga ega.
«Quyosh va shamol elektrostansiyalarini ishga tushiryapmiz. Bu yil birinchi marta batareya saqlash tizimini ishga tushiramiz. Ularning umumiy quvvati 300 megavatt, Andijon va Farg‘onada. Sentyabrda bizda birinchi marta ishlab chiqarilgan energiyani tarmoqqa qabul qila olmaslik holati bo‘ldi. Bu uch kun kuzatildi. Ya’ni iste’mol ishlab chiqarishdan kam bo‘lgan. Shunday holatlarning oldini olish uchun 4 gigavatli energiya saqlash tizimlari ishga tushirilgach elektr energiyasi batareyada yig‘iladi, kerakli paytda esa tarmoqqa uzatiladi», — dedi vazir.
Ishlab chiqarishning oshishi va iste’molning kamayishi sababli O‘zbekiston 2024 yilda 2023 yilga nisbatan 800 mln kilovatt soat kam elektr energiyasi sotib olgan.
Energetika vazirining ta’kidlashicha, gazlashtirilmagan hovlilar uchun differensial tariflarni joriy qilish bo‘yicha Iqtisodiyot va moliya vazirligi bilan ishlar olib borilyapti.
«Ishlab chiqaruvchilarni ham inobatga olgan holatda buni 1 yanvardan joriy etishga harakat qilamiz», — dedi u.
Tavsiya etamiz
Urushga tayyor Jo‘laniy, taksidagi Pizishkiyon – hafta dayjesti
Jahon | 12:00 / 20.07.2025
Lyov yoki Kapadze. Milliy jamoa boshqaruvida o‘zgarish qilish kerakmi?
Sport | 11:30 / 20.07.2025
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
So‘nggi yangiliklar
-
Xivada an’anaviy "Qovun sayli" festivali bo‘lib o‘tadi
O‘zbekiston | 07:41
-
Bundestag doimiy kiberhujumlar haqida ma’lum qildi
Jahon | 07:36
-
Zelenskiy Rossiya bilan yangi muzokaralar sanasini aytdi
Jahon | 00:39
-
Olmazorda vodorod peroksidining tarqalishi, OTM qabul kvotalarining tasdiqlanishi, Toshkentdagi ko‘chatxonalar – mahalliy dayjest
O‘zbekiston | 23:55 / 21.07.2025
Mavzuga oid

19:58 / 17.07.2025
Energiya resurslaridan noqonuniy foydalanish oqibatida yetkazilgan zarar 600 mlrd so‘mdan oshdi

19:07 / 11.07.2025
Chiqindidan qarzi borlar 1 avgustdan boshlab svet uchun pul to‘lolmaydi

12:15 / 10.07.2025
Andijonda chiqindidan elektr ishlab chiqaruvchi zavod qurilishi boshlandi

14:57 / 08.07.2025