Qoʻshimcha funksionallar
-
Tungi ko‘rinish
Kiyev UQK harbiylarining RF askarlari tomonidan o‘ldirilishini tergov qilmoqda
Rossiya harbiylari ukrainalik harbiy asirlarni frontda «ommaviy qatl etish»da gumon qilinmoqda, dedi Ukraina bosh prokurori Andrey Kostin.

Foto: RIA Novosti
Ukraina prokurorlari rossiyalik askarlarni Donetsk oblastida 16 nafar ukrainalik harbiy asirni o‘ldirganlikda gumon qilmoqda. Ukraina Bosh prokuraturasi 1 oktyabr, seshanba kuni urush qonunlari va odatlarini buzish bo‘yicha sudgacha tergov boshlandi. Tergov boshlanishiga Ukraina Telegram-kanallarida tarqalgan video sabab bo‘ldi. Unda rossiyalik askarlarning taslim bo‘lgan Ukraina Qurolli kuchlari (UQK) askarlarini o‘qqa tutishi tasvirlangan.
Videoda Rossiya askarlari tomonidan asirga olingan Ukraina Qurolli kuchlari harbiy xizmatchilari o‘rmon hududidan qanday chiqib kelgani tasvirlangan. «Ular saf tortgandan so‘ng, okkupantlar ularni o‘ldirish uchun ataylab o‘q uzgan. Tirik qolgan yaradorlarni avtomatdan o‘q uzib, uzoq masofadan turib o‘ldirishgan», — deyiladi prokuratura bayonotida.
Ukraina bosh prokurori Andrey Kostinning ta’kidlashicha, bu «ukrainalik harbiy asirlarni frontda qatl etish bo‘yicha ma’lum bo‘lgan eng ommaviy holat». Kostinning so‘zlariga ko‘ra, ukrainaliklarning qatl etilishi va qiynoqqa solinishi «tasodifiy hodisa emas, balki Rossiya harbiy va siyosiy rahbariyatining siyosatidir».
Rossiya qamoqxonalarida 14 mingdan ortiq Ukraina fuqarosi saqlanmoqda
30 sentabr kuni Inson huquqlarini himoya qilish xalqaro jamiyati (Internationale Gesellschaft für Menschenrechte - IGFM) ma’lum qilishicha, hozirda Rossiya qamoqxonalarida 14 mingdan ortiq ukrainalik saqlanmoqda. Huquq himoyachilariga ko‘ra, Rossiya Federatsiyasining kamida 10 ta hududida Ukraina fuqarolari hibsga olingan maxsus muassasalar mavjud.
Ukrainaga qaytishga muvaffaq bo‘lgan mahbuslarning aytishicha, qamoqda o‘tirganlarida ular jismoniy, ruhiy va jinsiy zo‘ravonlikka uchragan. «Mehnat lagerida meni zo‘rlashdi va qiynoqqa solishdi», dedi olti oydan ko‘proq asirlikda o‘tirgan Zaporijjya oblastida yashovchi Yelena Yagupova. Xersonlik Aleksandr Tarasov bir yilni Rossiya asirligida o‘tkazgan, u elektroshoker bilan qiynoqqa solinganini va Ukraina fuqarolarini o‘g‘irlashda ishtirok etganlarga nisbatan shaxsiy sanksiyalar qo‘llanishiga erishish niyatida ekanini aytdi. «Biz xalqaro sud oldida javob berishi kerak bo‘lgan tuzilma, sudyalar va politsiya haqida bilamiz», deb ta’kidlaydi erkak.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Angren voqeasi: pedofiliya qurboni bo‘lgan o‘smir qiz qonun himoyachilariga yana ko‘zgu tutdi
Jamiyat | 20:44
-
O‘zbekistonda avgust oyida qanday ob-havo bo‘lishi kutilmoqda?
O‘zbekiston | 20:40
-
Sherali Jo‘rayev nomidagi musiqa va san’at oliy maktabi tashkil etiladi
O‘zbekiston | 20:38
-
Toshkent viloyatida qizining nomusiga tekkan ota 12 yilga qamaldi
Jamiyat | 20:35
Mavzuga oid

11:14 / 26.07.2025
Kiyevdagi namoyishlarning 4-kuni: aksiyalar ko‘lami kamaymoqda

13:05 / 21.07.2025
Rossiya yana Kiyevni raketa va dronlar bilan o‘qqa tutdi – fotosuratlar

11:41 / 09.07.2025
Lutsk va Kiyev viloyati dronlar hujumiga uchradi

13:17 / 28.06.2025