Ukrainada ingliz tili bog‘chadan majburiy o‘qitiladigan bo‘ldi

Endilikda Ukrainadagi bolalar bog‘chalarida ingliz tili majburiy o‘qitiladi. Zelenskiy bu boradagi qonunni imzoladi.

Foto: Getty Images

Bu qonunda ingliz tili Ukrainada xalqaro muloqot tili sifatida rasmiy statusga ega bo‘ldi. Ingliz tili Ukraina armiyasi va Milliy gvardiyasida xalqaro muloqot tili sifatida foydalaniladi.

Hujjatda hukumat ingliz tilini majburiy o‘qitishni ta’minlashi va boshqa tillarni o‘qitish uchun ham ta’lim muassasalariga kerakli sharoitlarni yaratib berishi belgilangan. Qonunga ko‘ra, endilikda Ukrainadagi bolalar bog‘chalaridagi maktabga tayyorlov guruhlarida ingliz tili majburiy tarzda o‘rgatiladi.

#Ukraina #ingliz tili