Qoʻshimcha funksionallar
-
Tungi ko‘rinish
BMT O‘zbekiston tashabbusi bilan ishlab chiqilgan rezolyutsiyani ma’qulladi
Hujjatda giyohvandlik vositalari va prekursorlarining noqonuniy aylanishiga qarshi kurashish bo‘yicha kompleks chora-tadbirlarni qabul qilish belgilangan.

Foto: UN Photo/Manuel Elias
4 iyun kuni BMT Bosh Assambleyasi O‘zbekiston tashabbusi bilan ishlab chiqilgan «Markaziy Osiyo davlatlarining giyohvandlik bilan bog‘liq muammolarni samarali hal etish va bartaraf etish uchun yagona front bo‘lib harakat va hamkorlik qilishga tayyorligi» rezolyutsiyasini bir ovozdan qabul qildi. Bu haqda Tashqi ishlar vazirligi xabar berdi.
Rezolyutsiyaga 30 dan ortiq davlat, jumladan, Armaniston, BAA, Bahrayn, Belarus, Eron, Indoneziya, Iordaniya, Jazoir, Kuvayt, Marokash, O‘mon, Ozarboyjon, Pokiston, Qatar, Qirg‘iziston, Qozog‘iston, Rossiya, Saudiya Arabistoni, Senegal, Singapur, Tojikiston, Turkiya, Turkmaniston, Xitoy, Yaponiya va boshqalar hammualliflik qilgan.
Rezolyutsiya konsepsiyasi O‘zbekiston prezidentining 2021 yil sentabr oyida BMT Bosh Assambleyasining 76-sessiyasidagi nutqi asosida ishlab chiqilgan.
Hujjatda O‘zbekistonda giyohvandlik va narkojinoyatlarga qarshi kurashish bo‘yicha 2024-2028 yillarga mo‘ljallangan milliy strategiyaning asosini tashkil etuvchi konseptual qoidalar inobatga olingan.
Qarorda ta’kidlanganidek, Markaziy Osiyoda Barqaror rivojlanish maqsadlariga erishish mintaqada giyohvand moddalar savdosi va giyohvandlikka qarshi kurash bilan chambarchas bog‘liq.
Hujjatda giyohvandlik vositalari va prekursorlarining noqonuniy aylanishiga qarshi kurashish bo‘yicha kompleks chora-tadbirlarni qabul qilish, strategik tashabbuslar va chora-tadbirlar rejalarini ishlab chiqish ko‘zda tutilgan. Shuningdek, giyohvand moddalar bilan bog‘liq muammolarni har tomonlama hal etishda BMT, xalqaro moliya institutlari va boshqa manfaatdor taraflar tomonidan Markaziy Osiyo davlatlariga ko‘makni kengaytirish muhimligi qayd etilgan.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08 / 10.07.2025
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Har yakshanba kunlari Toshkentdan Maldivga to‘g‘ridan to‘g‘ri reyslar
O‘zbekiston | 09:00 / 11.07.2025
-
O‘zbekistonda "Eng namunali "yashil" turizm obekti" tanlovi o‘tkaziladi
O‘zbekiston | 13:58
-
Qurollarini topshirgan kurdlar, Boeing halokati yuzasidan dastlabki hisobot va yagona aviatashuvchisidan ayrilayotgan Rossiya – kun dayjesti
Jahon | 13:30
-
Rossiyaga qarshi sanksiyalarning 18-paketi Slovakiyaga bog‘liq bo‘lib qolmoqda
Jahon | 13:06
Mavzuga oid

13:45 / 11.07.2025
BMT: Ukrainada iyunda tinch aholi orasida qurbonlar soni eng yuqori ko‘rsatkichga yetdi

16:54 / 08.07.2025
BMT Bosh Assambleyasi «Tolibon» siyosatini keskin qoralovchi rezolyutsiyani ma’qulladi

15:49 / 07.07.2025
Bolalar soni eng kam bo‘lgan mamlakatlar ma’lum qilindi

12:05 / 07.07.2025