Toshkentdagi masjidlarda o‘g‘irlik qilib yurgan shaxs 6 yilga qamaldi

Toshkent shahar jinoyat ishlari bo‘yicha Chilonzor tuman sudi tomonidan masjidlarda o‘g‘irlik qilib yurgan fuqaroga nisbatan sud ishi ko‘rib chiqildi.

Foto: Kun.uz

O‘zA xabariga ko‘ra, fuqaro I.O Toshkentdagi «Abu-saxiy» savdo markazida joylashgan jome masjidi tahoratxonasidagi kiyim qo‘yish joyida turgan kurtkalardan birining cho‘ntagidagi 60 ming so‘m va «Samsung A24» rusumli telefon apparatini o‘g‘irlab, voqea joyini tark etgan.

Boshqa kuni esa Shayx Muhammad Sodiq Muhammad Yusuf jome masjidi tahoratxonasiga kirib, «Samsung A23» telefon apparatini qo‘lga kiritgan.

Sud hukmiga ko‘ra, I.O.ga 6 yil muddatga ozodlikdan mahrum qilish jazosi tayinlandi.

#Toshkent #masjid