Ikki hududda kuchli ta’sir qiluvchi dorilar yashirin aylanmasiga chek qo‘yildi
Toshkent viloyati hamda Toshkent shahrining Bektemir tumanida kuchli ta’sir qiluvchi dori vositalarining yashirin aylanmasiga chek qo‘yildi.

Foto: uza.uz
Toshkent viloyatidagi “Oybek” chegara bojxona postiga fuqaro boshqaruvida kirib kelgan Van Holl avtobusi bojxona xodimlari tomonidan belgilangan tartibda nazoratdan o‘tkazilgan. Transport vositasini ko‘zdan kechirish natijasida avtobusning salon qismida 120 dona “Fenobarbital-3N 100 mg” nomli psixotrop dori vositalari borligi aniqlangan.
Hozirda bojxona organlari tomonidan surishtiruv harakatlari olib borilmoqda.
Toshkent shahri Bektemir tumani hududida kuchli ta’sir qiluvchi dorilarning noqonuniy aylanuviga qarshi kurashish borasida tezkor tadbir o‘tkazilgan.
Oldindan tezkor kuzatuvga olingan Qo‘qon - Toshkent yo‘nalishi bo‘ylab harakatlanayotgan fuqaro M.A. boshqaruvidagi Cobalt avtomashinasi Bektemir tumani hududida belgilangan tartibda to‘xtatilgan.
Avtomashina ko‘zdan kechirilganda orqa o‘rindiqda turgan qizil rangli, elektr toki yordamida ishlaydigan pechka ichiga avvaldan yashirib joylashtirilgan 1 turdan iborat, jami 896 dona “Regapen” nomli kuchli ta’sir qiluvchi dori vositalari borligi aniqlangan.
Ushbu holat yuzasidan jinoyat ishi qo‘zg‘atilib, tergov harakatlari olib borilmoqda.
Mavzuga oid

08:45 / 18.06.2025
Sifat sertifikatiga ega bo‘lmagan dorilar savdoga chiqarilishining oldi olindi

11:36 / 17.06.2025
Toshkentda sifati kafolatlanmagan dorini 16 ming dollarga sotayotgan shaxs ushlandi

12:11 / 10.06.2025
Kuchli ta’sir qiluvchi dorilarning muomalaga kiritilishi oldi olindi

15:50 / 08.06.2025